ملک بھر میں سونے کی قیمت میں ریکارڈ کمی، فی تولہ 15 ہزار 500 روپے سستا

آل پاکستان صرافہ جیمز اینڈ جیولرز ایسوسی ایشن کے مطابق ملک بھر میں سونے کی قیمتوں میں بڑی کمی ریکارڈ کی گئی ہے، جس کے بعد فی تولہ سونا 15 ہزار 500 روپے سستا ہو گیا۔

ایسوسی ایشن کے مطابق کمی کے بعد 24 قیراط فی تولہ سونے کی نئی قیمت 4 لاکھ 76 ہزار 862 روپے مقرر ہو گئی ہے۔

اسی طرح 10 گرام سونے کی قیمت میں بھی 13 ہزار 289 روپے کی نمایاں کمی دیکھی گئی، جس کے بعد 10 گرام سونا 4 لاکھ 8 ہزار 832 روپے کا ہو گیا ہے۔

ماہرین کا کہنا ہے کہ عالمی مارکیٹ میں سونے کی قیمتوں میں مسلسل اتار چڑھاؤ کے اثرات مقامی مارکیٹ پر بھی مرتب ہو رہے ہیں، جس کے باعث پاکستان میں بھی سونے کی قیمتوں میں نمایاں کمی سامنے آئی ہے۔