پیٹرولیم مصنوعات سستی ہونے کا امکان، پیٹرول 55 اور ڈیزل 100 روپے تک کم ہو سکتا ہے

(اسلام آباد)ذرائع کے مطابق عالمی مارکیٹ میں خام تیل کی قیمتیں 13 سے 15 فیصد تک گر گئی ہیں، جس کے بعد ملک میں پیٹرول اور ڈیزل کی قیمتوں میں نمایاں کمی متوقع ہے۔

پیٹرولیم انڈسٹری ذرائع کے مطابق پیٹرول کی قیمت میں تقریباً 55 روپے فی لیٹر جبکہ ڈیزل کی قیمت میں 95 سے 100 روپے فی لیٹر تک کمی کا امکان ہے۔ اگر یہ کمی منظور ہو جاتی ہے تو عوام کو بڑی معاشی ریلیف مل سکتا ہے۔

ذرائع کے مطابق عالمی مارکیٹ میں برطانوی خام تیل کی قیمت 112 ڈالر فی بیرل سے کم ہو کر 94 ڈالر 69 سینٹ تک آ گئی ہے، جس کے اثرات مقامی مارکیٹ پر بھی پڑنے کی توقع ہے۔

پیٹرولیم مصنوعات کی قیمتوں میں کمی کا حتمی فیصلہ وزیراعظم شہباز شریف کریں گے۔ ذرائع کا کہنا ہے کہ وزیراعظم شہباز شریف آج قوم سے خطاب بھی کر سکتے ہیں جس میں پیٹرولیم مصنوعات کی قیمتوں میں ممکنہ کمی اور توانائی سے متعلق حکومتی حکمت عملی کا اعلان متوقع ہے۔

ماہرین کے مطابق اگر عالمی مارکیٹ میں قیمتیں اسی سطح پر برقرار رہیں تو آئندہ دنوں میں مزید کمی بھی ممکن ہو سکتی ہے۔