بلوچستان کی بیٹی کانسٹیبل شکیلہ بلوچ دہشتگرد حملے میں شہید، تربت میں فائرنگ کا افسوسناک واقعہ

( تربت) رپورٹس کے مطابق کانسٹیبل شکیلہ بلوچ پر اس وقت حملہ کیا گیا جب وہ ڈیوٹی پر جا رہی تھیں۔ حملہ آوروں نے فائرنگ کرکے انہیں نشانہ بنایا، جس کے نتیجے میں وہ موقع پر ہی جان کی بازی ہار گئیں۔

واقعے کے بعد سیکیورٹی اداروں نے علاقے کو گھیرے میں لے کر تحقیقات شروع کر دی ہیں جبکہ حملہ آوروں کی تلاش کیلئے سرچ آپریشن بھی جاری ہے۔

بیان میں کہا گیا ہے کہ بلوچستان میں سرگرم دہشتگرد عناصر خواتین اور بچوں کو بھی نشانہ بنا رہے ہیں۔ کانسٹیبل شکیلہ بلوچ کو ایک بہادر خاتون پولیس اہلکار قرار دیتے ہوئے کہا گیا کہ وہ عوام کے تحفظ کیلئے فرنٹ لائن پر اپنی ذمہ داریاں انجام دے رہی تھیں۔

واقعے میں خاتون اہلکار کے شوہر اور بچے کے زخمی ہونے کو بھی افسوسناک قرار دیا جا رہا ہے، جبکہ اس حملے کو بلوچ معاشرتی اقدار اور خواتین کے احترام کے خلاف اقدام کہا گیا ہے۔

دوسری جانب مختلف حلقوں کی جانب سے واقعے کی شدید مذمت کی جا رہی ہے اور مطالبہ کیا جا رہا ہے کہ حملے میں ملوث عناصر کو فوری طور پر گرفتار کرکے قانون کے کٹہرے میں لایا جائے۔