صدر ڈونلڈ ٹرمپ آج رات اہم پریس کانفرنس کریں گے

(واشنگٹن) وائٹ ہاؤس کے ترجمان کے مطابق امریکی میڈیا کے اصرار پر صدر ڈونلڈ ٹرمپ یہ پریس کانفرنس کریں گے۔ ترجمان نے بتایا کہ امریکی صدر وائٹ ہاؤس کے بریفنگ روم میں میڈیا نمائندگان سے گفتگو کریں گے اور اہم سوالات کے جواب دیں گے۔

بیان کے مطابق پریس کانفرنس کے دوران ایران سے متعلق جاری کشیدگی، امریکی پالیسی اور خطے کی سکیورٹی صورتحال پر بھی بات کی جائے گی۔ ذرائع کے مطابق اس پریس کانفرنس کو غیر معمولی اہمیت دی جا رہی ہے اور عالمی سطح پر اس کے اثرات مرتب ہونے کا امکان ظاہر کیا جا رہا ہے۔

واضح رہے کہ مشرق وسطیٰ میں حالیہ کشیدگی کے باعث عالمی برادری کی نظریں امریکی صدر کی اس اہم پریس کانفرنس پر مرکوز ہیں، جس میں آئندہ حکمت عملی کے حوالے سے اہم اشارے ملنے کی توقع ہے۔