جیل رولز میں طبی معائنے کے دوران اہلخانہ کی موجودگی لازم نہیں: رانا ثنا اللہ

(اسلام آباد) مسلم لیگ ن کے سینئر رہنما نے اپوزیشن کے اعتراضات کا جواب دیتے ہوئے کہا کہ کیا جیل رولز میں یہ درج ہے کہ قیدی کے گھر والوں کو بلایا جائے گا اور ان کی نگرانی میں علاج ہوگا؟ ایسا ہرگز نہیں ہے۔

انہوں نے کہا کہ سزا یافتہ افراد کے بنیادی حقوق جیل رولز اور قانون کے مطابق ہوتے ہیں اور انہی قواعد کے تحت ان کے معاملات چلائے جاتے ہیں۔

رانا ثنا اللہ نے کہا کہ سانحہ 9 مئی جیسے واقعات پر مقدمات کا اندراج ظلم نہیں بلکہ قانون کے مطابق کارروائی ہے۔

انہوں نے مزید کہا کہ پارلیمنٹ کے پاس عدالتی سزاؤں کو کالعدم قرار دینے کا اختیار موجود نہیں۔

حکومتی مذاکرات سے متعلق گفتگو کرتے ہوئے رانا ثنا اللہ نے کہا کہ حکومت اپوزیشن کے ساتھ ہر معاملے پر بات چیت کیلئے تیار ہے۔ انہوں نے اپوزیشن کو پیشکش کرتے ہوئے کہا کہ اگر وہ آگے بڑھے تو وزیر اعظم کی طرف سے مذاکرات کی آفر موجود ہے اور 24 گھنٹوں کے اندر ملاقات ممکن ہو سکتی ہے۔