وزیراعظم شہباز شریف کا "پروجیکٹ فریڈم" روکنے کے امریکی اعلان کا خیرمقدم

سوشل میڈیا پر جاری اپنے بیان میں وزیراعظم نے کہا کہ پاکستان اور دیگر برادر ممالک، خصوصاً سعودی عرب اور ولی عہد محمد بن سلمان کی درخواست پر امریکا کا یہ مثبت ردعمل خطے میں امن، استحکام اور مفاہمت کے فروغ میں اہم کردار ادا کرے گا۔

وزیراعظم شہباز شریف نے کہا کہ پاکستان کشیدگی میں کمی، تحمل اور مذاکرات کے ذریعے تنازعات کے پرامن حل کی حمایت جاری رکھے گا۔ انہوں نے اس امید کا اظہار کیا کہ موجودہ پیشرفت خطے اور دنیا میں دیرپا امن اور استحکام کا باعث بنے گی۔

انہوں نے مزید کہا کہ آبنائے ہرمز جیسے اہم عالمی تجارتی راستے میں کشیدگی کا کم ہونا نہ صرف خطے بلکہ عالمی معیشت کے لیے بھی مثبت ثابت ہوگا۔