آبنائے ہرمز میں رکاوٹ نہیں ڈالی، ناکہ بندی امریکا نے کی: عباس عراقچی

نئی دہلی میں برکس وزرائے خارجہ اجلاس کی سائیڈ لائن پر انٹرویو دیتے ہوئے ایرانی وزیر خارجہ نے کہا کہ آبنائے ہرمز اس وقت سب سے زیادہ امریکی جارحیت اور غیر قانونی ناکہ بندی سے متاثر ہو رہی ہے۔

انہوں نے کہا کہ ایران کی نظر میں آبنائے ہرمز تمام تجارتی جہازوں کیلئے کھلی ہوئی ہے، تاہم بحری جہازوں کو ایرانی بحری افواج کے ساتھ تعاون کرنا ہوگا تاکہ خطے میں سلامتی اور نیویگیشن کا نظام برقرار رکھا جا سکے۔

عباس عراقچی نے امید ظاہر کی کہ امریکا کی جانب سے عائد کردہ غیر قانونی ناکہ بندی کے خاتمے کے ساتھ ہی موجودہ صورتحال بھی ختم ہو جائے گی۔