آسٹریلیا کی تاریخ میں پہلی بار خاتون آرمی چیف مقرر

(آسٹریلیا) وزیر اعظم انتھونی البانی نے اس تقرری کو آسٹریلوی فوج کی 125 سالہ تاریخ میں ایک غیر معمولی پیش رفت قرار دیا۔ ان کا کہنا تھا کہ یہ فیصلہ نہ صرف فوجی قیادت میں تنوع کو فروغ دے گا بلکہ خواتین کے کردار کو مزید مضبوط بنانے میں بھی مددگار ثابت ہوگا۔

وزیر دفاع رچرڈ مارلس نے بھی اس اعلان کو "ایک بڑا تاریخی لمحہ" قرار دیتے ہوئے کہا کہ سوزن کوئل کی قیادت میں فوج مزید مضبوط اور پیشہ ورانہ بنیادوں پر آگے بڑھے گی۔

یہ تقرری ایک ایسے وقت میں سامنے آئی ہے جب آسٹریلوی فوج اپنی صفوں میں خواتین افسران کی تعداد بڑھانے کی کوشش کر رہی ہے۔ اس کے ساتھ ساتھ ادارے کو جنسی ہراسانی اور امتیازی سلوک سے متعلق الزامات کا بھی سامنا ہے، جس کے باعث اصلاحات کی ضرورت پر زور دیا جا رہا ہے۔

تجزیہ کاروں کے مطابق سوزن کوئل کی بطور آرمی چیف تقرری نہ صرف آسٹریلیا بلکہ عالمی سطح پر بھی ایک مثبت مثال قائم کرے گی، جو دفاعی اداروں میں صنفی برابری کے فروغ کی جانب ایک اہم قدم ہے۔