لاہور میں منشیات فروش پنکی کے نیٹ ورک سے متعلق اہم انکشافات

(لاہور )ذرائع کے مطابق مئی 2024 میں پولیس نے "جارڈن گینگ" کے خلاف کارروائی کرتے ہوئے متعدد کارندوں کو گرفتار کیا تھا۔ انہی ملزمان کی نشاندہی پر پنکی کو بھی حراست میں لیا گیا تھا۔

ذرائع کا کہنا ہے کہ دورانِ حراست ملزمہ نے ایک سابق پولیس انسپکٹر سے تعلقات استوار کیے اور مبینہ طور پر بھاری رشوت دے کر رہائی حاصل کی۔ بعد ازاں اس نے منشیات فروشی کیلئے اپنا الگ نیٹ ورک قائم کر لیا۔

رپورٹس کے مطابق پنکی اپنے مبینہ شوہر، جو سابق پولیس انسپکٹر بتایا جا رہا ہے، کی مدد سے گرفتاری سے بچتی رہی، جبکہ اس کا بھائی ریاض بلوچ اور دیگر ساتھی مختلف علاقوں میں منشیات سپلائی کرتے تھے۔

ذرائع نے یہ بھی دعویٰ کیا ہے کہ ملزمہ نے شناخت چھپانے اور ریکارڈ سے بچنے کیلئے مبینہ طور پر اپنے فنگر پرنٹس تیزاب کے ذریعے مٹا دیے تھے۔

قانون نافذ کرنے والے ادارے اس نیٹ ورک کے دیگر ممکنہ سہولت کاروں اور مالی روابط کی بھی تحقیقات کر رہے ہیں۔