پروپیگنڈےاورپراکسیزکےزریعے پاکستان کاخوشحالی کاسفرروکانہیں جاسکتا،فیلڈمارشل عاصم منیر

آئی ایس پی آر کے مطابق فیلڈ مارشل سید عاصم منیر نے کوئٹہ گیریژن کا دورہ کیا، جہاں انہوں نے کمانڈ اینڈ اسٹاف کالج میں افسران اور فیکلٹی سے خطاب کرتے ہوئے کمانڈ اینڈ اسٹاف کالج کو اعلیٰ تربیتی معیار، فکری صلاحیت اور پیشہ ورانہ مہارت کی علامت قرار دیا، فیلڈ مارشل سید عاصم منیر کا جدید جنگی تقاضوں، ابھرتی ٹیکنالوجیز اور ملٹی ڈومین آپریشنز سے ہم آہنگ رہنے پر زور دیتے ہوئے کہا کہ افسران اور جوان بدلتے جنگی ماحول کے مطابق خود کو مسلسل تیار رکھیں،

انہوں نے زور دیا کہ پیشہ ورانہ مہارت، تیاری اور آپریشنل برتری کے اعلیٰ معیار برقرار رکھنا وقت کی ضرورت ہے، فیلڈ مارشل سید عاصم منیر نے بلوچستان میں تعینات افسران اور جوانوں سے ملاقات کے دوران ان کی آپریشنل تیاری اور بلند حوصلے کو سراہا اور کہا کہ پاکستانی عوام کی ثابت قدم حمایت سے مسلح افواج دہشتگردی کے مکمل خاتمے کے لیے پُرعزم ہیں، فیلڈ مارشل سید عاصم منیر کا کہنا تھا کہ پاکستان کی ترقی کا سفر پروپیگنڈا، جعلی خبروں یا بیرونی سرپرستی میں دہشتگردی سے نہیں روکا جا سکتا،

پاکستان دنیا میں اپنا مقام حاصل کرے گا، پراکسیز اور پروپیگنڈے کے ذریعے پاکستان کی پیشرفت روکنے کی کوششیں ناکام ہوں گی، بلوچستان میں پائیدار امن اور استحکام کے لیے عوامی فلاح، جامع ترقی اور بہتر طرز حکمرانی ناگزیر ہے، فیلڈ مارشل سید عاصم منیر نے کہا کہ حکومت بلوچستان کی عوامی بہبود، سماجی و معاشی ترقی اور ریاستی رشتے مضبوط بنانے کی کوششیں قابل تحسین ہیں،

فیلڈ مارشل سید عاصم منیر نے بلوچستان میں امن، استحکام اور ریاستی عملداری برقرار رکھنے میں سیکیورٹی فورسز کے کردار کی تعریف کی، قبل ازیں کوئٹہ آمد پر فیلڈ مارشل سید عاصم منیر کا استقبال کمانڈر کوئٹہ کور نے کیا،،