پی ٹی آئی میں کوئی فارورڈ بلاک نہیں، سہیل آفریدی عہدے پر برقرار رہیں گے: بیرسٹر گوہر

(پشاور) بیرسٹر گوہر نے کہا ہے کہ پاکستان تحریک انصاف میں کسی قسم کا فارورڈ بلاک موجود نہیں اور سہیل آفریدی اپنے عہدے پر برقرار رہیں گے۔

میڈیا سے گفتگو کرتے ہوئے بیرسٹر گوہر کا کہنا تھا کہ سہیل آفریدی کو بانی پی ٹی آئی نے نامزد کیا ہے اور وہ اپنی ذمہ داریاں بہترین انداز میں نبھا رہے ہیں۔

انہوں نے کہا کہ سہیل آفریدی کے خلاف مہم چلانے والے مایوس اور ناکام ہوں گے کیونکہ انہیں پارٹی کی مکمل حمایت حاصل ہے۔

چیئرمین پی ٹی آئی نے واضح کیا کہ پارٹی کے اندر اتحاد موجود ہے اور فارورڈ بلاک کی خبریں بے بنیاد ہیں۔ انہوں نے کہا کہ پارٹی قیادت تمام معاملات پر متحد ہے اور کسی قسم کی اندرونی تقسیم نہیں۔

بیرسٹر گوہر کا مزید کہنا تھا کہ پارٹی کارکنان کو افواہوں پر توجہ دینے کے بجائے تنظیمی استحکام اور سیاسی جدوجہد پر توجہ دینی چاہیے۔