اسلام آباد مذ اکرات ایونٹ نہیں، مسلسل سفارتی عمل ہے،ایرانی سفیر

(اسلام آباد) پاکستان میں تعینات ایرانی سفیر رضا امیری مقدم نے کہا ہے کہ اسلام آباد مذاکرات مخص ایک ایونٹ نہیں بلکہ تما فریقین کے مفاد کے لیے ایک مضبوط فریم ورک تیار کر نے کے لیے مسلسل سفارتی عمل ہے، سماجی رابطے کی ویب سائٹ ایکس پر بیان میں رضا امیری مقد م نے مزیدکہا کہ برادرملک پاکستان اور خصوصاً وزیر اعظم شہباز شریف اور فیلڈ مارشل سید عاصم منیر نے مذاکرات کے انعقادمیں نیک نیتی اور مثبت کردار ادد کیا۔

پاکستان کی حکومت، افواج، پولیس اور سیکیورٹی اداروں کی انتھک کاوشوں کے باعث مذاکرات ایک پر امن، منظم اور محفوظ ماحول میں منعقد ہوئے جہاں دونوں فریقین کا یکساں سہولیات فراہم کی گئیں اورمہانوں کے لیے باوقار ماحول یقینی بنایا گیا۔ رضاامیری مقدم نے کہا کہ ایرانی اعلیٰ سطح کے مذاکراتی وفد نے وقار، خو د اعتمادی اور اللہ تعالیٰ پر کامل یقین کے ساتھ مذاکرات میں حصہ لیا اور عوامی توقعات کو مذ نظر رکھتے ہوئے قومی مفادات اور عوام کے جائر حقوق کے تحفظ کے لیے سنجیدہ اور باوقار انذ از گفتگو کی۔