خون کے آخری قطرے تک ایران کی سالمیت اور آزادی کا دفاع کریں گے: ایرانی آرمی چیف

امیر حاتمی نے کہا ہے کہ ایران اپنی آزادی، خودمختاری اور علاقائی سالمیت کے دفاع کیلئے آخری حد تک جائے گا اور مسلح افواج ہر قسم کے خطرات کا مقابلہ کرنے کیلئے مکمل طور پر تیار ہیں۔

ایرانی آرمی چیف میجر جنرل امیر حاتمی نے اپنے بیان میں کہا کہ ایمان کی طاقت ہی وہ قوت ہے جو ایک ایف-5 لڑاکا طیارے کو جدید دفاعی نظام کی موجودگی کے باوجود امریکی افواج کے کویت میں موجود ٹھکانوں کے اوپر گہرائی تک پہنچنے کی صلاحیت دیتی ہے۔

انہوں نے کہا کہ ایرانی مسلح افواج اپنی تمام تر توانائی اور وسائل کے ساتھ ملک کے دفاع کا مقدس مشن جاری رکھیں گی اور ان شاء اللہ مکمل فتح تک اپنی جدوجہد سے پیچھے نہیں ہٹیں گی۔

امیر حاتمی نے ایرانی عوام کو یقین دلایا کہ ملک کے دفاع کیلئے ہر ممکن اقدام کیا جائے گا اور یہ جدوجہد خون کے آخری قطرے تک جاری رہے گی۔