کینیڈا میں پاکستانی ہائی کمیشن اور قونصل خانوں میں یومِ استحصال کشمیر کی تقاریب

(اوٹاوا) کینیڈا میں پاکستان کے ہائی کمیشن اور مونٹریال، ٹورنٹو اور وینکوور میں قائم پاکستانی قونصل خانوں نے 5 اگست 2019 کے بھارتی اقدامات کی ساتویں برسی کے موقع پر یومِ استحصال کشمیر منایا

اس سلسلے میں ہائی کمیشن میں منعقدہ تقریب میں صدرِ پاکستان، وزیراعظم اور نائب وزیراعظم/وزیر خارجہ کے خصوصی پیغامات پڑھ کر سنائے گئے، جبکہ مقبوضہ جموں و کشمیر کی صورتحال پر دستاویزی فلم اور تصویری نمائش بھی پیش کی گئی

تقریب میں پاکستانی و کشمیری کمیونٹی، ماہرین تعلیم اور دیگر مہمانوں نے شرکت کی

اس موقع پر ہائی کمشنر محمد سلیم نے کہا کہ جموں و کشمیر ایک بین الاقوامی سطح پر تسلیم شدہ تنازع ہے، جس کا حل اقوام متحدہ کی سلامتی کونسل کی قراردادوں اور کشمیری عوام کی خواہشات کے مطابق ہونا چاہیے۔