مارکو روبیو کا ایرانی وفد کو فوری امریکا چھوڑنے کا حکم

واشنگٹن: امریکی وزیر خارجہ مارکو روبیو نے اقوام متحدہ کی جنرل اسمبلی کے اجلاس کے موقع پر نیویارک میں موجود ایرانی وفد کو فوری طور پر امریکا چھوڑنے کا حکم دے دیا۔

رپورٹس کے مطابق ایرانی وفد میں وزیر خارجہ عباس عراقچی سمیت دیگر حکام بھی شامل تھے۔ روبیو کی جانب سے ایرانی وفد کو امریکا چھوڑنے کی ہدایت ایسے وقت میں سامنے آئی ہے جب دونوں ممالک کے درمیان کشیدگی برقرار ہے۔

دوسری جانب قطر کی جانب سے کی جانے والی ثالثی کی کوششیں بھی کسی پیش رفت کا باعث نہ بن سکیں۔ ذرائع کے مطابق سفارتی سطح پر معاملات کو آگے بڑھانے کی کوششوں کے باوجود فریقین کے درمیان کوئی قابلِ ذکر پیش رفت نہیں ہو سکی۔

ایرانی وفد اقوام متحدہ کی جنرل اسمبلی کے اجلاس میں شرکت کے لیے نیویارک میں موجود تھا۔