وائسز آف امریکا
تازہ خبریں
تازہ ترین

خیبر پختونخوا حکومت نے لانگ مارچ کے ذریعے بدامنی کا منصوبہ بنا لیا: خواجہ آصف

W
Web Desk
3 اکتوبر، 2026
خیبر پختونخوا حکومت نے لانگ مارچ کے ذریعے بدامنی کا منصوبہ بنا لیا: خواجہ آصف

وزیر دفاع خواجہ آصف نے کہا ہے کہ خیبر پختونخوا حکومت نے 4 اکتوبر کے لانگ مارچ کے ذریعے بدامنی اور تشدد پھیلانے کی منصوبہ بندی کی ہے۔ خواجہ آصف نے ٹی ٹی پی کے مبینہ تعاون، بنوں واقعے جیسی صورتحال اور فوجی و پولیس تنصیبات کے قریب افراتفری کے خدشے کا اظہار کیا، جبکہ پی ٹی آئی لانگ مارچ کو پرامن قرار دے چکی ہے

اسلام آباد: وزیر دفاع خواجہ آصف نے کہا ہے کہ خیبر پختونخوا حکومت نے آنے والے لانگ مارچ کے ذریعے بدامنی اور تشدد پھیلانے کا منصوبہ بنایا ہے۔ ان کے مطابق یہ لانگ مارچ 4 اکتوبر سے شروع ہونے والا ہے۔

خواجہ آصف نے سوشل میڈیا پر جاری بیان میں دعویٰ کیا کہ صوبائی حکومت کو اپنی قیادت کی مکمل حمایت حاصل ہے اور لانگ مارچ کے دوران ٹی ٹی پی کے عناصر سے تعاون کا منصوبہ ہے۔ انہوں نے 15 جولائی 2024 کے بنوں واقعے کا حوالہ دیتے ہوئے کہا کہ اسی طرز کی صورتحال پیدا کرنے کی منصوبہ بندی کی جا رہی ہے۔

وزیر دفاع کے مطابق بنوں واقعے میں ٹی ٹی پی کے گل بہادر گروپ کے خودکش حملے میں 8 فوجی جوان شہید ہوئے تھے، جبکہ 19 جولائی کو ہونے والے احتجاج میں سیاسی اور قوم پرست عناصر بھی شامل ہوئے تھے۔

خواجہ آصف نے مزید کہا ہے کہ کہ لانگ مارچ کے دوران فوجی یا پولیس تنصیبات کے قریب افراتفری پھیلانے کی منصوبہ بندی کی گئی ہے۔ انہوں نے تحریک انصاف کی صوبائی حکومت اور لانگ مارچ کے منتظمین کو خبردار کیا کہ کسی بھی پرتشدد کارروائی یا 9 مئی جیسے واقعات کی کوشش کو قانون کے مطابق روکا جائے گا۔

وزیر دفاع نے کہا کہ سیاسی جدوجہد اور مسلح بغاوت میں واضح فرق ہے۔ ان کے مطابق سیاسی جدوجہد آئینی و جمہوری طریقوں سے کی جا سکتی ہے، تاہم اگر سیاسی جدوجہد کے پردے میں ٹی ٹی پی کے ساتھ مل کر مسلح بغاوت کی کوشش کی گئی تو اسے ریاست کی سالمیت پر حملہ تصور کیا جائے گا۔

خواجہ آصف نے کہا کہ ریاست کے دفاع کے لیے تمام وسائل استعمال کیے جائیں گے۔ ان کے بیان کے مطابق سکیورٹی اداروں کو مبینہ منصوبے کے بارے میں پہلے ہی آگاہی حاصل ہوچکی ہے۔

دوسری جانب پی ٹی آئی کا مؤقف ہے کہ اس کا لانگ مارچ پرامن ہوگا۔ خیبر پختونخوا کے وزیراعلیٰ سہیل آفریدی نے اعلان کیا تھا کہ مارچ 4 اکتوبر کو پشاور سے روانہ ہوگا۔

شیئر کریں:
W
Web Desk

Media Channel

شائع ہوا: 3 اکتوبر، 2026 کو 06:28 AM

آخری تدوین: 3 اکتوبر، 2026

متعلقہ مضامین

پی ٹی آئی رہنما آپس میں دست وگریباں، یہ عمران خان کو کیا رہا کرائیں گے؟ خواجہ آصف
پاکستان

پی ٹی آئی رہنما آپس میں دست وگریباں، یہ عمران خان کو کیا رہا کرائیں گے؟ خواجہ آصف

وزیر دفاع خواجہ آصف نے لطیف کھوسہ اور سلمان اکرم راجہ کے بیانات پر ردعمل دیتے ہوئے پی ٹی آئی قیادت کو تنقید کا نشانہ بنایا۔ کہا پوری پارٹی دست وگریباں ہے، یہ عمران خان کو کیا رہا کرائیں گے؟

Web Desk17 نومبر، 2026
اسلام آباد: سینئر پولیس افسر کے گھر کام کرنے والی 13 سالہ فاطمہ کی موت تشدد کے باعث ہوئی
پاکستان

اسلام آباد: سینئر پولیس افسر کے گھر کام کرنے والی 13 سالہ فاطمہ کی موت تشدد کے باعث ہوئی

اسلام آباد میں سینئر پولیس افسر کے گھر کام کرنے والی 13 سالہ فاطمہ اصغر کی ابتدائی پوسٹ مارٹم رپورٹ سامنے آگئی۔ رپورٹ کے مطابق تشدد سے شدید سوزش، خون کے لوتھڑے اور کارڈیو پلمونری اریسٹ موت کی وجہ بنے۔ پولیس نے مبینہ تشدد میں استعمال ہونے والی استری اور ڈنڈا بھی برآمد کرلیا

Web Desk17 نومبر، 2026
فیلڈ مارشل سے برطانوی فوج کے سربراہ کی ملاقات، فوجی تعاون مزید بڑھانے کا عزم
پاکستان

فیلڈ مارشل سے برطانوی فوج کے سربراہ کی ملاقات، فوجی تعاون مزید بڑھانے کا عزم

چیف آف ڈیفنس فورسز فیلڈ مارشل عاصم منیر سے برطانوی چیف آف جنرل سٹاف جنرل چارلس رولینڈ واکر نے ملاقات کی جس میں فوجی تعاون مزید مستحکم کرنے کے عزم کا اعادہ کیا گیا

Web Desk17 نومبر، 2026