وائسز آف امریکا
تازہ خبریں
تازہ ترین

دوسرا ٹیسٹ: سری لنکا 98 رنز پر ڈھیر، پاکستان نے پہلی اننگز میں 121 رنز بنا لیے،

زاہد فاروق ملکزاہد فاروق ملک17 نومبر، 2026
دوسرا ٹیسٹ: سری لنکا 98 رنز پر ڈھیر، پاکستان نے پہلی اننگز میں 121 رنز بنا لیے،

پاکستان اور سری لنکا کے دوسرے ٹیسٹ کے پہلے روز سری لنکن ٹیم 98 رنز پر ڈھیر ہوگئی۔ پاکستان نے 3 وکٹوں پر 121 رنز بنا لیے، اذان اویس 47 اور طیب عارف 46 رنز کے ساتھ نمایاں رہے۔ پاکستان کو پہلی اننگز میں 23 رنز کی برتری حاصل ہوگئی

راولپنڈی:پاکستان اور سری لنکا کے درمیان دوسرے ٹیسٹ میچ کے پہلے روز کا کھیل ختم ہوگیا۔ پاکستان نے سری لنکا کے 98 رنز کے جواب میں پہلی اننگز میں 3 وکٹوں کے نقصان پر 121 رنز بنا لیے ہیں اور اسے 23 رنز کی اہم برتری حاصل ہوگئی ہے۔

پہلے دن کے اختتام پر اذان اویس 47 رنز کے ساتھ کریز پر موجود ہیں، جبکہ نائٹ واچ مین ثاقب خان 2 رنز بنا کر ان کا ساتھ دے رہے ہیں۔

پاکستان کی جانب سے طیب عارف نے شاندار بیٹنگ کرتے ہوئے 46 رنز کی اننگز کھیلی۔ محمد طحہٰ اور بابر اعظم 8، 8 رنز بنا کر آؤٹ ہوئے۔

سری لنکا کی جانب سے اسیتھا فرنینڈو، لاہیرو کمارا اور پرباتھ جے سوریا نے ایک، ایک وکٹ حاصل کی۔

اس سے قبل پاکستان نے ٹاس جیت کر پہلے فیلڈنگ کا فیصلہ کیا تو پاکستانی بولرز نے تباہ کن بولنگ کا مظاہرہ کرتے ہوئے سری لنکن بیٹنگ لائن کو مشکلات سے دوچار کردیا۔ مہمان ٹیم پہلی اننگز میں صرف 98 رنز بنا کر آؤٹ ہوگئی۔

سری لنکا کی جانب سے کوشل مینڈس 32 رنز بنا کر نمایاں رہے، جبکہ سونل دینوشا نے 21 رنز اسکور کیے۔ دیگر کھلاڑیوں میں پسیندو سوریا بندارا 4، دنیش چندی مل 7، کمندو مینڈس 8، لاہیرو ادرا 4 اور دھننجیا ڈی سلوا ایک رن بنا کر آؤٹ ہوئے۔

پاکستان کی جانب سے رضا اللہ، محمد عباس اور عامر جمال نے تین، تین وکٹیں حاصل کیں، جبکہ ثاقب خان نے ایک کھلاڑی کو پویلین کی راہ دکھائی۔ پاکستانی بولرز نے ابتدائی مرحلے میں ہی سری لنکا کی نصف ٹیم کو 50 رنز سے پہلے آؤٹ کرکے میچ پر گرفت مضبوط کرلی تھی۔

دوسرے ٹیسٹ کے لیے پاکستانی ٹیم میں ایک تبدیلی کی گئی تھی اور عرفات منہاس کی جگہ عامر جمال کو پلیئنگ الیون میں شامل کیا گیا۔

واضح رہے کہ پاکستان اور سری لنکا کے درمیان سیریز کا پہلا ٹیسٹ میچ ڈرا ہوگیا تھا، جبکہ دوسرے ٹیسٹ کے پہلے روز پاکستان نے 23 رنز کی برتری حاصل کرکے میچ میں اپنی پوزیشن مستحکم کرلی ہے۔

شیئر کریں:
زاہد فاروق ملک
زاہد فاروق ملک

زاہد فاروق ملک پاکستان کے ممتاز سینئر صحافی، کالم نگار اور میڈیا ایگزیکٹو ہیں۔ وہ پاکستان کے دارالحکومت اسلام آباد میں مقیم ہیں اور اس وقت وائسز آف امریکا کے بیورو چیف کے طور پر خدمات انجام دے رہے ہیں۔

شائع ہوا: 17 نومبر، 2026 کو 12:57 PM

آخری تدوین: 17 نومبر، 2026

متعلقہ مضامین

فیلڈ مارشل سے برطانوی فوج کے سربراہ کی ملاقات، فوجی تعاون مزید بڑھانے کا عزم
پاکستان

فیلڈ مارشل سے برطانوی فوج کے سربراہ کی ملاقات، فوجی تعاون مزید بڑھانے کا عزم

چیف آف ڈیفنس فورسز فیلڈ مارشل عاصم منیر سے برطانوی چیف آف جنرل سٹاف جنرل چارلس رولینڈ واکر نے ملاقات کی جس میں فوجی تعاون مزید مستحکم کرنے کے عزم کا اعادہ کیا گیا

Web Desk17 نومبر، 2026
سسٹم تباہ نہیں ہوا اسے تباہ کرایا گیا، ہمیں غیر سیاسی نہیں سیاسی ری سیٹ کی ضرورت ہے: بلاول بھٹو
تازہ ترین

سسٹم تباہ نہیں ہوا اسے تباہ کرایا گیا، ہمیں غیر سیاسی نہیں سیاسی ری سیٹ کی ضرورت ہے: بلاول بھٹو

بلاول بھٹو زرداری نے کراچی میں گفتگو کرتے ہوئے سیاسی نظام کو ری سیٹ کرنے، اپوزیشن کا اعتماد بحال کرنے، سیاسی قیدیوں کی رہائی اور انتقامی کارروائیاں بند کرنے کا مطالبہ کردیا۔ مولانا فضل الرحمان اور پی ٹی آئی سے مذاکرات، آزادی صحافت اور ملکی معاشی صورتحال پر بھی اہم بیان دے دیا

Web Desk17 نومبر، 2026
بحرین میں امریکی فوجی اڈے پر ایرانی ڈرون حملہ، شیخ عیسیٰ ایئربیس کا ریڈار سسٹم نشانہ بنانے کا دعویٰ
تازہ ترین

بحرین میں امریکی فوجی اڈے پر ایرانی ڈرون حملہ، شیخ عیسیٰ ایئربیس کا ریڈار سسٹم نشانہ بنانے کا دعویٰ

ایرانی پاسداران انقلاب نے بحرین کے شیخ عیسیٰ ایئربیس پر امریکی فوج کے ریڈار سسٹم کو ڈرون حملے میں نشانہ بنانے کا دعویٰ کیا ہے۔ بحرین نے ممکنہ خطرے کا الرٹ جاری کیا اور ایرانی فضائی حملے ناکام بنانے کا اعلان کیا

Web Desk17 نومبر، 2026