وائسز آف امریکا
تازہ خبریں
تازہ ترین

بحرین میں امریکی فوجی اڈے پر ایرانی ڈرون حملہ، شیخ عیسیٰ ایئربیس کا ریڈار سسٹم نشانہ بنانے کا دعویٰ

W
Web Desk
17 نومبر، 2026
بحرین میں امریکی فوجی اڈے پر ایرانی ڈرون حملہ، شیخ عیسیٰ ایئربیس کا ریڈار سسٹم نشانہ بنانے کا دعویٰ

ایرانی پاسداران انقلاب نے بحرین کے شیخ عیسیٰ ایئربیس پر امریکی فوج کے ریڈار سسٹم کو ڈرون حملے میں نشانہ بنانے کا دعویٰ کیا ہے۔ بحرین نے ممکنہ خطرے کا الرٹ جاری کیا اور ایرانی فضائی حملے ناکام بنانے کا اعلان کیا

منامہ: ایران اور امریکا کے درمیان کشیدگی میں مزید اضافہ ہوگیا، ایرانی پاسداران انقلاب نے بحرین میں واقع شیخ عیسیٰ ایئربیس پر امریکی فوج کے زیرِ استعمال ریڈار سسٹم کو ڈرون حملے میں نشانہ بنانے کا دعویٰ کیا ہے۔

ایرانی سرکاری میڈیا کے مطابق پاسداران انقلاب نے 17 نومبر کی صبح امریکی فوجی تنصیبات کے خلاف کارروائی کرتے ہوئے شیخ عیسیٰ ایئربیس پر موجود ریڈار سسٹم کو نشانہ بنایا۔

پاسداران انقلاب کا کہنا ہے کہ یہ کارروائی ایرانی فضائی حدود میں امریکی فوجی ڈرونز کی مبینہ مسلسل خلاف ورزیوں کے جواب میں کی گئی۔

دوسری جانب بحرین کی وزارت داخلہ نے ممکنہ خطرے کے پیش نظر سیکیورٹی الرٹ جاری کرتے ہوئے شہریوں اور رہائشیوں کو محتاط رہنے، محفوظ مقام پر منتقل ہونے اور سرکاری ہدایات پر عمل کرنے کی ہدایت کی۔

بحرین کے حکام کے مطابق ملک کے فضائی دفاعی نظام نے ایرانی فضائی حملوں کو ناکام بنایا اور متعدد حملہ آور فضائی اہداف کو روک لیا۔

خبر رساں اداروں کے مطابق بحرین کے دارالحکومت منامہ میں بھی سیکیورٹی الرٹ کے بعد دھماکوں کی آوازیں سنی گئیں۔

تاہم امریکی اور بحرینی حکام کی جانب سے شیخ عیسیٰ ایئربیس کے ریڈار سسٹم کو پہنچنے والے نقصان کی فوری طور پر آزادانہ تصدیق سامنے نہیں آئی۔

واضح رہے کہ بحرین میں امریکی بحریہ کے پانچویں بیڑے کی اہم تنصیبات بھی موجود ہیں، جس کے باعث خطے میں بڑھتی ہوئی کشیدگی کو عالمی سطح پر اہمیت دی جا رہی ہے۔

شیئر کریں:
W
Web Desk

Media Channel

شائع ہوا: 17 نومبر، 2026 کو 09:11 AM

آخری تدوین: 17 نومبر، 2026

متعلقہ مضامین

امریکی ریاست کیلیفورنیا کا اوپن اے آئی کے خلاف مقدمہ
تازہ ترین

امریکی ریاست کیلیفورنیا کا اوپن اے آئی کے خلاف مقدمہ

امریکی ریاست کیلیفورنیا نے چیٹ جی پی ٹی کی مالک کمپنی اوپن اے آئی کے خلاف مقدمہ دائر کردیا۔ حکام نے الزام عائد کیا ہے کہ کمپنی نے مناسب حفاظتی اقدامات کے بغیر طاقتور اے آئی ماڈلز تیار اور ٹیسٹ کیے، جس سے سائبر سیکیورٹی خطرات پیدا ہوئے

Web Desk17 نومبر، 2026
ایشیائی ترقیاتی بینک کی پاکستان کے لیے 50 کروڑ ڈالر قرض کی منظوری، رقم پنشن اصلاحات پر خرچ ہوگی
تازہ ترین

ایشیائی ترقیاتی بینک کی پاکستان کے لیے 50 کروڑ ڈالر قرض کی منظوری، رقم پنشن اصلاحات پر خرچ ہوگی

ایشیائی ترقیاتی بینک نے پاکستان کے لیے 500 ملین ڈالر قرض کی منظوری دے دی۔ رقم وفاقی سول پنشن نظام میں اصلاحات، مالیاتی پائیداری اور حکومتی اخراجات کا دباؤ کم کرنے کے لیے استعمال ہوگی

Web Desk17 نومبر، 2026
دوسرا ٹیسٹ: پاکستان کے خلاف سری لنکن ٹیم 98 رنز پر ڈھیر، پاکستانی بولرز کی شاندار کارکردگی
تازہ ترین

دوسرا ٹیسٹ: پاکستان کے خلاف سری لنکن ٹیم 98 رنز پر ڈھیر، پاکستانی بولرز کی شاندار کارکردگی

دوسرے ٹیسٹ میچ میں پاکستان نے ٹاس جیت کر پہلے فیلڈنگ کا فیصلہ کیا، جس کے بعد سری لنکن ٹیم پہلی اننگز میں صرف 98 رنز بنا کر آؤٹ ہوگئی۔ محمد عباس، رضا اللہ اور عامر جمال نے تین، تین وکٹیں حاصل کیں

زاہد فاروق ملک17 نومبر، 2026