محسن نقوی ایک بار پھر ایران پہنچ گئے، اہم سفارتی ملاقاتیں متوقع

وفاقی وزیرِ داخلہ محسن نقوی ایک مرتبہ پھر ایران پہنچ گئے ہیں جہاں وہ ایرانی قیادت سے اہم ملاقاتیں کریں گے۔

ذرائع کے مطابق محسن نقوی اپنے دورۂ ایران کے دوران امریکا اور ایران کے درمیان جاری مذاکرات، خطے کی صورتحال اور دوطرفہ تعلقات سے متعلق اہم امور پر بات چیت کریں گے۔

واضح رہے کہ چند روز قبل بھی محسن نقوی نے ایران کا دورہ کیا تھا، جس کے دوران ان کی ایرانی صدر مسعود پزشکیاں سے تفصیلی ملاقات ہوئی تھی۔ ذرائع کے مطابق دونوں رہنماؤں کے درمیان ملاقات تقریباً 90 منٹ تک جاری رہی۔

اپنے گزشتہ دورے میں وزیرِ داخلہ نے ایرانی وزیرِ خارجہ عباس عراقچی اور ایرانی پارلیمنٹ کے اسپیکر باقر قالیباف سے بھی ملاقاتیں کی تھیں۔

سفارتی حلقوں کے مطابق پاکستان اور ایران کے درمیان حالیہ رابطوں کو خطے میں بڑھتی کشیدگی اور اہم عالمی پیش رفت کے تناظر میں نہایت اہم قرار دیا جا رہا ہے۔