محسن نقوی کی تہران میں ایرانی وزیر داخلہ سے ملاقات، امن مذاکرات کی بحالی پر گفتگو

(تہران) رپورٹس کے مطابق دونوں وزرائے داخلہ نے باہمی دلچسپی کے امور، سرحدی تعاون، علاقائی امن و استحکام اور مشرقِ وسطیٰ کی تازہ صورتحال پر بھی گفتگو کی۔

ایرانی وزیر داخلہ اسکندر مومنی نے خطے میں امن اور استحکام کیلئے پاکستان کے تعمیری کردار کو سراہتے ہوئے کہا کہ موجودہ حالات میں سفارتی رابطے اور مذاکرات انتہائی اہم ہیں۔

ایرانی میڈیا کے مطابق ملاقات کے دوران ایران اور امریکا کے درمیان تنازع کے حل کیلئے پاکستان کی کوششوں کا بھی ذکر کیا گیا، جبکہ فیلڈ مارشل عاصم منیر کی سفارتی کاوشوں کو مثبت قرار دیا گیا۔

تجزیہ کاروں کے مطابق یہ ملاقات ایسے وقت میں ہوئی ہے جب خطے میں کشیدگی میں اضافہ دیکھا جا رہا ہے اور مختلف ممالک سفارتی ذرائع سے صورتحال کو قابو میں رکھنے کی کوشش کر رہے ہیں۔