عامر خان کے بھانجے عمران خان کو بھارت چھوڑنے کا نوٹس جاری

ممبئی: بالی ووڈ اداکار اور معروف اداکار عامر خان کے بھانجے عمران خان کو ممبئی پولیس نے 28 اکتوبر تک بھارت چھوڑنے کا نوٹس جاری کردیا۔

بھارتی میڈیا رپورٹس کے مطابق عمران خان نے ممبئی کے اگست کرانتی میدان میں چیف الیکشن کمشنر گیانیش کمار کے استعفے کے مطالبے کے لیے منعقدہ احتجاج میں شرکت کی تھی۔ مظاہرے کے دوران پولیس نے انہیں حراست میں بھی لیا تھا۔

رپورٹس کے مطابق ممبئی پولیس کا مؤقف ہے کہ عمران خان بھارتی شہری نہیں ہیں، اس کے باوجود انہوں نے احتجاج میں شرکت کی، جس پر ان کے خلاف امیگریشن ایکٹ کی متعلقہ شق کے تحت کارروائی کی گئی۔

پولیس کی جانب سے جاری کردہ نوٹس میں عمران خان کو 28 اکتوبر تک بھارت چھوڑنے کی ہدایت کی گئی ہے۔

اس معاملے پر عمران خان کی جانب سے کسی ردعمل یا مزید وضاحت کی تفصیلات تاحال فراہم نہیں کی گئیں۔