اوورسیز پاکستانیوں کے لیے خوشخبری! ترسیلاتِ زر بھیجیں، انعامی پوائنٹس اور خصوصی سہولیات پائیں

(اسلام آباد) حکومتِ پاکستان نے بیرونِ ملک مقیم پاکستانیوں کے لیے "سوہنی دھرتی ریمیٹنس پروگرام" کی تفصیلات جاری کر دی ہیں۔ بیورو آف امیگریشن اینڈ اوورسیز ایمپلائمنٹ کے مطابق قانونی ذرائع سے رقوم پاکستان بھیجنے والے اوورسیز پاکستانیوں کو انعامی پوائنٹس دیے جائیں گے

حکام کا کہنا ہے کہ پروگرام کے تحت گرین، گولڈ، پلاٹینم اور ڈائمنڈ کیٹیگریاں متعارف کرائی گئی ہیں، جن میں سالانہ ترسیلاتِ زر کے مطابق 1 سے 1.75 فیصد تک انعامی پوائنٹس ملیں گے

یہ پوائنٹس پی آئی اے میں اضافی سامان، نادرا اور پاسپورٹ خدمات، گاڑی و موبائل فون ڈیوٹی، اسٹیٹ لائف پریمیم اور دیگر سرکاری سہولیات کے حصول میں استعمال کیے جا سکیں گے