پاکستان نےمتحدہ عرب امارات کو 2 ارب ڈالر کا قرض واپس کر دیا، اسٹیٹ بینک کی تصدیق

(اسلام آباد)پاکستان نے متحدہ عرب امارات کو 2 ارب ڈالر کا قرض واپس کر دیا ہے جس کی تصدیق اسٹیٹ بینک آف پاکستان نے بھی کر دی ہے۔

تفصیلات کے مطابق پاکستان کو 23 اپریل کو متحدہ عرب امارات کو مزید ڈیڑھ ارب ڈالر ادا کرنا ہیں۔ ذرائع کے مطابق پاکستان کو دو روز قبل سعودی عرب سے 2 ارب ڈالر موصول ہوئے ہیں جبکہ پاکستان نے یورو بانڈز کی فروخت سے 500 ملین ڈالر بھی حاصل کیے ہیں۔

ذرائع اسٹیٹ بینک آف پاکستان کے مطابق متحدہ عرب امارات کو ادائیگی کے باوجود ملکی زرمبادلہ ذخائر پر کوئی بڑا فرق نہیں پڑے گا کیونکہ بیرونی ادائیگیوں کیلئے انتظام پہلے سے موجود ہے۔

حکام کے مطابق حکومت بیرونی ادائیگیوں کے دباؤ کو کم کرنے اور زرمبادلہ ذخائر کو مستحکم رکھنے کیلئے مختلف مالی ذرائع استعمال کر رہی ہے۔