ان کی تنقید سے فرق نہیں پڑتا جنہوں نے خود کچھ نہیں کیا: چیئرمین پی سی بی محسن نقوی

نجی ٹی وی سے گفتگو کرتے ہوئے محسن نقوی نے کہا کہ انگلینڈ میں جو کچھ کیا گیا، وہ ضروری تھا، تاہم قومی ٹیم کی کارکردگی کے علاوہ بھی کچھ دیگر معاملات ہیں جن کا فی الحال جائزہ لیا جا رہا ہے۔

چیئرمین پی سی بی نے کہا کہ ابھی وہ کرکٹ کے علاوہ دیگر معاملات پر تفصیلی گفتگو کرنے کے لیے مناسب وقت نہیں سمجھتے، تاہم متعلقہ امور کو دیکھا جا رہا ہے۔

محسن نقوی کا کہنا تھا کہ وہ تنقید سے نہ پہلے کبھی گھبرائے ہیں اور نہ اب گھبراتے ہیں۔

انہوں نے ناقدین کو جواب دیتے ہوئے کہا کہ جن لوگوں نے خود کچھ نہیں کیا، ان کی تنقید سے کوئی فرق نہیں پڑتا۔

پی سی بی چیئرمین نے قومی ٹیم کی حالیہ ناقص کارکردگی پر مایوسی کا اظہار کرتے ہوئے کہا کہ معاملات کا جائزہ لیا جا رہا ہے اور مناسب وقت پر ضروری فیصلے کیے جائیں گے۔