صحافیوں اور میڈیا ورکرز کی کاوشوں کو قدر کی نگاہ سے دیکھتے ہیں: عطاء اللہ تارڑ

(اسلام آباد)عالمی یومِ آزادی صحافت کے موقع پر اپنے خصوصی بیان میں عطاء اللہ تارڑ نے کہا کہ ہم پاکستان میں آزاد، ذمہ دار اور متحرک میڈیا کے لیے اپنے عزم کا اعادہ کرتے ہیں۔ انہوں نے کہا کہ پاکستان کا روایتی میڈیا طویل عرصے سے عوامی اعتماد اور جمہوری اقدار کے مضبوط ستون کے طور پر کھڑا ہے۔

وفاقی وزیر اطلاعات کا کہنا تھا کہ معرکۂ حق کے دوران پاکستانی میڈیا نے دنیا کو توازن، وضاحت اور ذمہ دارانہ انداز میں آگاہ کرنے میں اہم کردار ادا کیا، جو حب الوطنی اور پیشہ ورانہ ذمہ داری کی بہترین مثال ہے۔

انہوں نے مزید کہا کہ پاکستانی میڈیا بتدریج جدید ٹولز اور عالمی رابطوں سے ہم آہنگ ہو رہا ہے، جبکہ ڈیجیٹل پلیٹ فارمز پاکستان کی حقیقی تصویر اور صلاحیت کو دنیا کے سامنے اجاگر کرنے میں اہم کردار ادا کر رہے ہیں۔

عطاء اللہ تارڑ نے کہا کہ حکومت پاکستان میڈیا کی آزادی، ذمہ داری اور تمام میڈیا اداروں کے روشن مستقبل کے لیے مکمل طور پر پُرعزم ہے۔