پی ٹی آئی کا 2 مئی کو لاہور میں جلسے کا اعلان، مینارِ پاکستان پر پاور شو کی تیاری
تحریک انصاف نے 2 مئی کو لاہور میں بڑا جلسہ کرنے کا فیصلہ کر لیا ہے، جس کے لیے انتظامات کا آغاز کر دیا گیا ہے۔
تفصیلات کے مطابق پی ٹی آئی کا جلسہ تاریخی مقام مینارِ پاکستان پر منعقد ہوگا، جہاں پارٹی قیادت کارکنوں سے خطاب کرے گی۔ جلسے میں خیبر پختونخوا کے وزیر اعلیٰسہیل آفریدی خصوصی خطاب کریں گے۔
پارٹی کی جانب سے جلسے کی اجازت حاصل کرنے کے لیے ڈپٹی کمشنر لاہور کو باضابطہ درخواست بھی جمع کرا دی گئی ہے۔ یہ درخواست پی ٹی آئی لاہور کے صدر میاں اکرم عثمان کی جانب سے جمع کروائی گئی۔
تاحال ضلعی انتظامیہ کی جانب سے جلسے کی اجازت دینے یا نہ دینے کے حوالے سے کوئی حتمی فیصلہ سامنے نہیں آیا۔ سیاسی حلقے اس پیش رفت کو آئندہ دنوں میں اہم قرار دے رہے ہیں، جبکہ کارکنان جلسے کو کامیاب بنانے کے لیے متحرک ہو چکے ہیں۔
شائع ہوا: 22 اپریل، 2026 کو 05:21 AM
آخری تدوین: 22 اپریل، 2026
