پنجگور اور چاغی میں سکیورٹی فورسز کی کارروائیاں، 11 دہشتگرد ہلاک

کوئٹہ: بلوچستان کے مختلف علاقوں میں سکیورٹی فورسز کی کارروائیوں کے دوران 11 دہشتگرد ہلاک ہوگئے۔

سکیورٹی ذرائع کے مطابق فورسز نے آپریشن ردالفتنہ 3 کے تحت بلوچستان میں دہشتگردوں کے خلاف کارروائیاں کیں، جن میں ضلع پنجگور اور چاغی میں فتنہ الہندوستان سے وابستہ 11 دہشتگرد ہلاک ہوئے۔

ذرائع کے مطابق پنجگور کے علاقے گوارگو میں سکیورٹی فورسز کی کارروائی کے دوران 5 دہشتگرد ہلاک کیے گئے، جبکہ چاغی کے علاقوں امین آباد اور سیاہ چنگ میں مختلف آپریشنز کے دوران مزید 6 دہشتگرد مارے گئے۔

سکیورٹی ذرائع کا کہنا ہے کہ کارروائیوں کے دوران ہلاک دہشتگردوں کے قبضے سے بڑی مقدار میں اسلحہ اور گولہ بارود بھی برآمد کیا گیا۔