وزیراعظم شہباز شریف کا جنگ بندی میں توسیع پر صدر ٹرمپ کا شکریہ

(اسلام آباد) وزیراعظم شہباز شریف نے اپنی اور فیلڈ مارشل سید عاصم منیر کی جانب سے امریکی صدر ڈونلڈ ٹرمپ کا جنگ بندی میں توسیع کے فیصلے پر شکریہ ادا کیا ہے۔

وزیراعظم شہباز شریف کا کہنا تھا کہ صدر ٹرمپ نے پاکستان کی درخواست پر جنگ بندی میں توسیع کا فیصلہ کیا، جس سے سفارتی کوششوں کو تقویت ملے گی اور تنازع کے پرامن حل کی راہ ہموار ہوگی۔

انہوں نے کہا کہ پاکستان تنازع کے پرامن حل کیلئے اپنی مخلصانہ سفارتی کوششیں جاری رکھے گا اور خطے میں امن و استحکام کے قیام کیلئے مثبت کردار ادا کرتا رہے گا۔

وزیراعظم شہباز شریف نے اس عزم کا اظہار کیا کہ پاکستان اس اعتماد پر پورا اترے گا اور امید ظاہر کی کہ دونوں فریقین جنگ بندی کا احترام کریں گے تاکہ مذاکرات کے ذریعے مسئلے کا حل نکالا جا سکے۔