سٹیٹ بینک نے کرنٹ اکاؤنٹ کے اعداد و شمار جاری کردیئے، جولائی میں 32 کروڑ 80 لاکھ ڈالر خسارہ

کراچی: سٹیٹ بینک آف پاکستان نے ملکی کرنٹ اکاؤنٹ کے اعداد و شمار جاری کر دیے، جس کے مطابق نئے مالی سال کا آغاز کرنٹ اکاؤنٹ خسارے کے ساتھ ہوا۔

سٹیٹ بینک کے مطابق جولائی میں پاکستان کا کرنٹ اکاؤنٹ 32 کروڑ 80 لاکھ ڈالر خسارے میں رہا۔

مرکزی بینک کے اعداد و شمار کے مطابق ماہانہ بنیاد پر کرنٹ اکاؤنٹ خسارے میں 48 کروڑ ڈالر کی کمی ریکارڈ کی گئی ہے۔

واضح رہے کہ جون میں پاکستان کا کرنٹ اکاؤنٹ 81 کروڑ ڈالر خسارے میں تھا، جو جولائی میں کم ہو کر 32 کروڑ 80 لاکھ ڈالر رہ گیا۔

اعداد و شمار کے مطابق جولائی میں کرنٹ اکاؤنٹ خسارے میں نمایاں کمی ہوئی، تاہم نئے مالی سال کے پہلے ماہ میں بیرونی کھاتہ بدستور خسارے کا شکار رہا۔