اردن میں ایرانی حملہ، دو امریکی فوجی ہلاک، ایک لاپتہ؛ امریکہ اور ایران ایک بار پھر کھلی جنگ کے دہانے پر

(واشنگٹن) اردن میں ایرانی میزائل اور ڈرون حملے کے نتیجے میں دو امریکی سروس ممبران ہلاک جبکہ ایک لاپتہ ہوگیا ہے۔ امریکی سینٹرل کمانڈ (CENTCOM) کے مطابق حملے میں متعدد اہلکار زخمی بھی ہوئے

یہ حملہ ایسے وقت میں ہوا ہے جب امریکہ مسلسل ساتویں رات بھی ایران میں فوجی اہداف پر فضائی حملے کر چکا ہے۔ امریکی حکام کا کہنا ہے کہ ان کارروائیوں میں ایرانی فوجی تنصیبات، اسلحہ گوداموں، لاجسٹک مراکز اور نگرانی کے نظام کو نشانہ بنایا گیا

دونوں ممالک کے درمیان کشیدگی اس وقت مزید بڑھ گئی جب ایک ماہ قبل ہونے والا عبوری جنگ بندی معاہدہ گزشتہ ہفتے ٹوٹ گیا، جس کے بعد امریکہ اور ایران نے ایک دوسرے کے خلاف حملے دوبارہ تیز کر دیے ہیں۔ تجزیہ کاروں کے مطابق موجودہ صورتحال مشرق وسطیٰ میں ایک بار پھر مکمل جنگ کی شکل اختیار کر سکتی ہے، جبکہ خلیجی خطے اور آبنائے ہرمز میں بھی شدید تناؤ برقرار ہے۔