اسلام آباد میں 9 اور 10 اپریل کو تعطیلات کا اعلان، نوٹیفکیشن جاری

(اسلام آباد)ضلعی انتظامیہ کے مطابق 9 اور 10 اپریل (جمعرات اور جمعہ) کو اسلام آباد کی حدود میں سرکاری تعطیل ہوگی۔ ڈپٹی کمشنر اسلام آباد نے بھی سوشل میڈیا کے ذریعے تعطیلات کی تصدیق کی ہے۔

نوٹیفکیشن کے مطابق ضروری خدمات فراہم کرنے والے ادارے تعطیلات سے مستثنیٰ ہوں گے۔ ان اداروں میں ایم سی آئی، سی ڈی اے، پولیس، اسپتال اور دیگر ہنگامی خدمات شامل ہیں جو معمول کے مطابق کام جاری رکھیں گے۔

انتظامیہ نے تمام متعلقہ محکموں کو تعطیلات کا نوٹیفکیشن ارسال کر دیا ہے اور اس پر فوری عملدرآمد کی ہدایات بھی جاری کر دی گئی ہیں۔ شہریوں کو تعطیلات کے دوران ضروری خدمات کی دستیابی یقینی بنانے کی بھی ہدایت کی گئی ہے۔

واضح رہے کہ 10 اپریل کو اسلام آباد میں ایران اور امریکا کے درمیان اہم مذاکرات متوقع ہیں، جن میں خطے میں کشیدگی کم کرنے اور پائیدار امن کے امکانات پر غور کیا جائے گا۔