آبنائے ہرمز کی ناکہ بندی ختم ہو تو مذاکرات کے لیے تیارہیں ، ایرانی سفیر امیر سعید ایروانی کا بیان

(تہران) ایرانی میڈیا کو دیے گئے انٹرویو میں انہوں نے واضح کیا کہ کسی بھی نئے مذاکراتی دور سے قبل امریکا کو اپنی پالیسی میں تبدیلی لانا ہوگی اور کشیدگی بڑھانے والے اقدامات بند کرنا ہوں گے۔ ان کا کہنا تھا کہ جیسے ہی ناکہ بندی ختم ہوگی، مذاکرات کا اگلا دور ممکنہ طور پر اسلام آباد میں منعقد کیا جا سکتا ہے۔

ایرانی سفیر نے کہا کہ ایران ہر ممکن صورتحال کے لیے تیار ہے اور اس نے کسی فوجی جارحیت کا آغاز نہیں کیا۔ ان کے مطابق اگر امریکا سیاسی حل چاہتا ہے تو ایران اس کے لیے آمادہ ہے، تاہم اگر جنگ مسلط کی گئی تو اس کا بھرپور جواب دیا جائے گا۔

انہوں نے اس بات پر زور دیا کہ خطے میں امن کے لیے ضروری ہے کہ تمام فریقین ذمہ داری کا مظاہرہ کریں اور سفارتی حل کی جانب پیش رفت کریں، بصورت دیگر کشیدگی مزید بڑھ سکتی ہے۔