اسحاق ڈار اور عباس عراقچی کا ٹیلیفونک رابطہ، ایران امریکا تنازع پر اہم پیشرفت

(اسلام آباد) اسحاق ڈار نے ایران امریکا کشیدگی کے خاتمے کیلئے سفارتی رابطے مزید تیز کرتے ہوئے عباس عراقچی سے ٹیلی فونک رابطہ کیا۔

دفتر خارجہ پاکستان کے مطابق دونوں رہنماؤں کے درمیان اسلام آباد مذاکرات، علاقائی صورتحال اور دوطرفہ تعاون پر تفصیلی تبادلہ خیال کیا گیا۔

نائب وزیراعظم اسحاق ڈار نے کہا کہ موجودہ مسائل کے جلد حل کیلئے مسلسل مذاکرات اور رابطہ کاری ناگزیر ہے، مذاکرات کے ذریعے ہی خطے اور اس سے باہر امن و استحکام کو فروغ دیا جا سکتا ہے۔

دونوں رہنماؤں نے قریبی رابطے میں رہنے پر اتفاق کیا جبکہ آج ہی مسعود پزشکیان اور شہباز شریف کے درمیان ٹیلی فونک رابطہ کرانے پر بھی اتفاق کیا گیا تاکہ اعلیٰ سطح پر امور کو آگے بڑھایا جا سکے۔

واضح رہے کہ اس سے قبل ڈونلڈ ٹرمپ نے پاکستان میں ایران کے ساتھ مذاکرات کے دوسرے دور کی تصدیق کی تھی جس کے بعد اسحاق ڈار اور عباس عراقچی کے درمیان رابطہ ہوا۔