وزیرِ اعظم شہباز شریف نے شمالی وزیرستان میں کامیاب آپریشن پر سکیورٹی فورسز کی کارکردگی کو سراہا

وزیرِ اعظم آفس کے جاری بیان میں بتایا گیا کہ آپریشن کے دوران 8 خارجی دہشت گرد ہلاک کیے گئے۔ وزیرِ اعظم نے کہا کہ ملک سے دہشت گردی کے عفریت کے مکمل خاتمے تک یہ جنگ جاری رکھی جائے گی اور پوری قوم افواج پاکستان کے شانہ بشانہ دہشت گردی کے خلاف غیر متزلزل عزم میں کھڑی ہے۔

انہوں نے مزید کہا کہ سکیورٹی فورسز کی مہارت اور حوصلہ اس عزم کی ضمانت ہے کہ پاکستان میں امن و امان کی صورتحال کو مستحکم بنانے کے لیے ہر ممکن اقدامات کیے جائیں گے۔