مراد سعید کی نااہلی کے بعد سینیٹ نشست پر ضمنی انتخاب کا شیڈول جاری

(پشاور) جاری کردہ اعلامیے کے مطابق، اس نشست پر پولنگ 23 اپریل 2026 کو صبح 9 بجے سے شام 4 بجے تک خیبر پختونخوا اسمبلی میں ہوگی۔

ریٹرننگ آفیسر کی جانب سے پبلک نوٹس 3 اپریل کو جاری کیا جائے گا، جبکہ امیدوار 6 اور 7 اپریل کو اپنے کاغذات نامزدگی جمع کرا سکیں گے۔ کاغذات کی جانچ پڑتال 10 اپریل تک مکمل کی جائے گی۔

اعلامیے کے مطابق، کاغذات کی منظوری یا مسترد ہونے کے خلاف اپیلیں 13 اپریل تک دائر کی جا سکیں گی، جبکہ امیدواروں کو 17 اپریل تک اپنے کاغذات واپس لینے کی مہلت دی گئی ہے۔

سعید گل کو اس ضمنی انتخاب کے لیے ریٹرننگ آفیسر مقرر کیا گیا ہے۔ الیکشن کمیشن نے ہدایت کی ہے کہ تمام امیدوار مقررہ شیڈول کی پابندی کریں تاکہ انتخابی عمل شفاف اور منظم طریقے سے مکمل ہو سکے۔

سیاسی مبصرین کے مطابق یہ ضمنی انتخاب نہ صرف خیبر پختونخوا کی سیاسی صورتحال بلکہ سینیٹ میں جماعتی توازن پر بھی اثر انداز ہو سکتا ہے، جس کے باعث تمام بڑی سیاسی جماعتوں کی نظریں اس نشست پر مرکوز ہیں