پنجاب میں پیٹرول سبسڈی کیلئے آن لائن درخواستوں کا آغاز، آسان طریقہ کار جاری

(لاہور)حکام کے مطابق شہری سرکاری ویب سائٹ mkb.punjab.gov.pk کے ذریعے گھر بیٹھے رجسٹریشن کر سکتے ہیں۔ درخواست دہندگان کو سب سے پہلے اکاؤنٹ بنانے کیلئے اپنی ذاتی معلومات درج کرنا ہوں گی، جس کے بعد موبائل فون پر موصول ہونے والے او ٹی پی کے ذریعے اکاؤنٹ کی تصدیق کی جائے گی۔

رجسٹریشن مکمل ہونے کے بعد شہری دوبارہ لاگ اِن کر کے Register New Complaint کے آپشن کے ذریعے درخواست جمع کرا سکیں گے۔ اس کے بعد "مریم کو بتائیں" پورٹل منتخب کر کے پیٹرول سبسڈی کے لیے اپلائی کیا جا سکتا ہے۔

حکام کا کہنا ہے کہ درخواست دہندگان کو اپنی گھریلو مالی صورتحال سے متعلق مختصر تفصیلات بھی فراہم کرنا ہوں گی، جبکہ درخواست جمع ہونے کے بعد تصدیقی پیغام بھی موصول ہو گا۔

پنجاب حکومت کے مطابق اس اقدام کا مقصد مہنگائی کے دوران عوام کو ریلیف فراہم کرنا اور سبسڈی کے عمل کو شفاف، آسان اور قابل رسائی بنانا ہے۔