خواجہ آصف: پاکستان نے اسلامی دنیا کو نئی راہ دکھائی، غیر ملکی اڈے حفاظت نہیں کر سکتے

سیالکوٹ: وزیر دفاع خواجہ آصف نے کہا ہے کہ پاکستان نے عالمی سطح پر اپنا مقام منوایا اور اسلامی دنیا کو نئی راہ دکھائی ہے۔ ان کا کہنا تھا کہ غیر ملکی فوجی اڈے کسی ملک کی حفاظت کی ضمانت نہیں، بلکہ حقیقی دفاع اپنی طاقت سے ممکن ہے۔

یونیورسٹی آف سینٹرل پنجاب کے سالانہ کانووکیشن سے خطاب کرتے ہوئے خواجہ آصف نے کہا کہ پاکستان نے ایران اور عرب ممالک کے درمیان اختلافات کم کرنے اور خطے میں امن کے قیام کے لیے اہم کردار ادا کیا ہے۔

انہوں نے معرکہ حق کا ذکر کرتے ہوئے کہا کہ پاکستان نے اپنے سے پانچ گنا بڑے دشمن کو شکست دے کر عالمی سطح پر نمایاں مقام حاصل کیا۔ وزیر دفاع نے دہشت گردی کے خلاف پاکستان کی طویل جدوجہد اور سفارتی کامیابیوں کو بھی اجاگر کیا۔

خواجہ آصف نے اپنے سیاسی سفر، قید و بند کی صعوبتوں اور ملکی احتسابی نظام پر بھی اظہار خیال کیا۔