فیفا ورلڈ کپ 2026: بوسنیا اور کینیڈا کا مقابلہ 1-1 گول سے برابر

ٹورنٹو میں منعقد ہونے والے اس میچ میں دونوں ٹیموں نے شاندار کھیل کا مظاہرہ کیا اور شائقین کو سنسنی خیز مقابلہ دیکھنے کو ملا۔ کینیڈا کی جانب سے اسٹرائیکر کائل لارین نے گول کرکے اپنی ٹیم کو برتری دلائی، تاہم بوسنیا کے لوکیچ نے گول اسکور کرکے میچ برابر کردیا۔

اس تاریخی مقابلے سے قبل ٹورنٹو میں رنگا رنگ افتتاحی تقریب کا انعقاد کیا گیا، جس میں مقامی اور بین الاقوامی فنکاروں نے اپنی پرفارمنس سے شائقین کا دل جیت لیا۔ شاندار لائٹ شو، موسیقی اور ثقافتی مظاہروں نے اس عالمی ایونٹ کے آغاز کو یادگار بنا دیا۔

یہ فیفا ورلڈ کپ 2026 کے دوران کینیڈا میں کھیلا جانے والا پہلا میچ تھا، جسے دیکھنے کے لیے ہزاروں شائقین اسٹیڈیم میں موجود تھے جبکہ دنیا بھر میں کروڑوں افراد نے براہِ راست نشریات کے ذریعے مقابلے سے لطف اٹھایا۔

دوسری جانب گروپ مرحلے کا ایک اور اہم میچ صبح 6 بجے کھیلا جائے گا، جس میں امریکہ اور پیراگوئے کی ٹیمیں آمنے سامنے ہوں گی۔ اس مقابلے سے قبل بھی شائقین کے لیے خصوصی افتتاحی تقریب کا اہتمام کیا جائے گا۔

فٹبال کے عالمی میلے کے آغاز کے ساتھ ہی شائقین میں جوش و خروش عروج پر پہنچ گیا ہے اور آئندہ دنوں میں مزید سنسنی خیز مقابلوں کی توقع کی جا رہی ہے۔