وائسز آف امریکا
تازہ خبریں
پاکستان

آئینی عدالت نے تھری ایم پی او کے تحت گرفتاریوں پر حکم امتناع میں ترمیم کر دی

W
Web Desk
16 نومبر، 2026
آئینی عدالت نے تھری ایم پی او کے تحت گرفتاریوں پر حکم امتناع میں ترمیم کر دی

وفاقی آئینی عدالت نے خیبرپختونخوا میں تھری ایم پی او کے تحت گرفتاریوں سے متعلق 5 نومبر کے حکم امتناع میں ترمیم کر دی۔ پشاور ہائیکورٹ کو دیگر آرٹیکل 199 کے مقدمات سننے کی اجازت برقرار رکھنے کی وضاحت کی گئی

اسلام آباد: وفاقی آئینی عدالت نے خیبرپختونخوا میں تھری ایم پی او (3-MPO) کے تحت گرفتاریوں سے متعلق اپنے حکم امتناع میں ترمیم کرتے ہوئے پاکستان تحریک انصاف (پی ٹی آئی) کی درخواست منظور کر لی ہے۔

چیف جسٹس وفاقی آئینی عدالت جسٹس امین الدین خان اور جسٹس عامر فاروق پر مشتمل دو رکنی بینچ نے کیس کی سماعت کی۔ عدالت نے 5 نومبر کو جاری کیے گئے حکم امتناع میں ترمیم کر دی۔

سماعت کے دوران پی ٹی آئی کے وکیل بیرسٹر گوہر نے مؤقف اختیار کیا کہ 5 نومبر کے عدالتی حکم سے پشاور ہائیکورٹ کی کارروائی متاثر ہوئی ہے اور وکلا کی عدالتی پریکٹس بھی رک گئی ہے۔

اس پر وفاقی آئینی عدالت نے وضاحت کی کہ حکم امتناع گورنر راج اور ایم پی او سے متعلق معاملات تک محدود تھا، جبکہ پشاور ہائیکورٹ دیگر آئینی مقدمات، جو آرٹیکل 199 کے تحت دائر کیے گئے ہیں، کی سماعت کر سکتی ہے۔

جسٹس عامر فاروق نے ریمارکس دیے کہ آرٹیکل 245 کی سادہ تشریح کے مطابق تو آرٹیکل 199 کے مقدمات نہیں سنے جا سکتے، تاہم اگر آرٹیکل 245 کی لفظی تشریح کی جائے تو پورا عدالتی نظام جام ہو سکتا ہے۔

دوران سماعت عدالت نے پشاور بار کونسل کو بھی مقدمے میں فریق بننے کی اجازت دے دی۔

بیرسٹر گوہر نے عدالت سے استدعا کی کہ تھری ایم پی او کے تحت گرفتاریوں کے معاملے میں بھی ریلیف فراہم کیا جائے۔ ان کا کہنا تھا کہ خیبرپختونخوا میں تاحال ریویو بورڈ قائم نہیں کیا گیا۔

اس موقع پر ایڈووکیٹ جنرل خیبرپختونخوا نے عدالت کو بتایا کہ ریویو بورڈ تین ماہ بعد تشکیل دیا جائے گا۔

جسٹس امین الدین خان نے بیرسٹر گوہر سے مکالمہ کرتے ہوئے کہا کہ آپ نے اپنی متفرق درخواستیں پشاور رجسٹری میں دائر کی ہیں، جب وہ درخواستیں ہمارے پاس پہنچ جائیں گی تو ان کا جائزہ لے لیا جائے گا۔

بعد ازاں وفاقی آئینی عدالت نے کیس کی مزید سماعت غیر معینہ مدت تک کے لیے ملتوی کر دی۔

شیئر کریں:
W
Web Desk

Media Channel

شائع ہوا: 16 نومبر، 2026 کو 07:13 AM

آخری تدوین: 16 نومبر، 2026

متعلقہ مضامین

پاکستان پُرامن اور مستحکم افغانستان کا خواہاں ہے، افغان حکام پڑوسی ممالک کے سکیورٹی خدشات دور کریں: اسحاق ڈار
پاکستان

پاکستان پُرامن اور مستحکم افغانستان کا خواہاں ہے، افغان حکام پڑوسی ممالک کے سکیورٹی خدشات دور کریں: اسحاق ڈار

اسحاق ڈار نے ای سی او وزرائے خارجہ کونسل کے 30ویں اجلاس سے خطاب میں کہا ہے کہ پاکستان پُرامن اور مستحکم افغانستان کا خواہاں ہے، افغان حکام پڑوسی ممالک کے جائز سکیورٹی خدشات دور کریں

Web Desk16 نومبر، 2026
اسحاق ڈار کا او آئی سی کے مقاصد کے فروغ کے لیے تعاون جاری رکھنے کا اعلان، فلسطین اور کشمیر پر پاکستان کا دوٹوک مؤقف
پاکستان

اسحاق ڈار کا او آئی سی کے مقاصد کے فروغ کے لیے تعاون جاری رکھنے کا اعلان، فلسطین اور کشمیر پر پاکستان کا دوٹوک مؤقف

نائب وزیراعظم اسحاق ڈار کی او آئی سی، سیکا اور ای سی او کے سیکرٹری جنرلز سے اہم ملاقاتیں، مسلم اُمہ کے اتحاد، علاقائی امن، اقتصادی تعاون اور فلسطین و کشمیر کے حق خودارادیت کی حمایت کا اعادہ

Web Desk16 نومبر، 2026
اسحاق ڈار کی او آئی سی سیکرٹری جنرل سے ملاقات، مسلم اُمہ کے اتحاد کے لیے پاکستان کے عزم کا اعادہ
پاکستان

اسحاق ڈار کی او آئی سی سیکرٹری جنرل سے ملاقات، مسلم اُمہ کے اتحاد کے لیے پاکستان کے عزم کا اعادہ

نائب وزیراعظم اسحاق ڈار کی اسلام آباد میں او آئی سی سیکرٹری جنرل اسماعیل اولد شیخ احمد سے ملاقات، فلسطین اور مقبوضہ کشمیر کے عوام کی حمایت اور مسلم اُمہ کے اتحاد کے لیے مشترکہ تعاون پر اتفاق

زاہد فاروق ملک16 نومبر، 2026