اولمپکس 2028 کرکٹ: ٹیموں کی شمولیت کا طریقہ کار سامنے آ گیا
آئی سی سی نے لاس اینجلس اولمپکس 2028 کے لیے کرکٹ ٹیموں کی شمولیت کا طریقہ کار واضح کر دیا ہے۔ 5 ٹیمیں رینکنگ جبکہ ایک ٹیم کوالیفائر کے ذریعے شامل ہوگی۔ ویمنز ٹیموں میں آسٹریلیا، انگلینڈ، بھارت اور جنوبی افریقہ شامل ہیں
اسی موضوع سے پڑھیں
آئی سی سی نے لاس اینجلس اولمپکس 2028 میں کرکٹ مقابلوں کے لیے ٹیموں کی شمولیت کا طریقہ کار واضح کر دیا ہے، جس کے تحت مینز اور ویمنز دونوں ایونٹس میں 6، 6 ٹیمیں حصہ لیں گی۔
تفصیلات کے مطابق اولمپکس کرکٹ مقابلوں میں پہلی پانچ ٹیموں کا انتخاب آئی سی سی رینکنگ کی بنیاد پر کیا جائے گا، جبکہ چھٹی ٹیم کی شمولیت اولمپکس کوالیفائرز کے ذریعے ہوگی۔
آئی سی سی کے مطابق اولمپکس کرکٹ کوالیفائرز کا انعقاد 2027 میں کیا جائے گا، تاہم ان مقابلوں کی جگہ اور تاریخ کا اعلان بعد میں کیا جائے گا۔
ویمنز کرکٹ مقابلوں کے لیے ابتدائی طور پر چار ٹیموں نے براہ راست کوالیفائی کر لیا ہے، جن میں آسٹریلیا، انگلینڈ، بھارت اور جنوبی افریقہ شامل ہیں۔ یہ تمام ٹیمیں اپنی اعلیٰ عالمی رینکنگ کی بنیاد پر اولمپکس میں جگہ بنانے میں کامیاب ہوئیں۔
ماہرین کے مطابق اولمپکس میں کرکٹ کی شمولیت سے اس کھیل کو عالمی سطح پر مزید فروغ ملے گا اور نئی ٹیموں کے لیے عالمی اسٹیج پر موقع پیدا ہوگا۔
شائع ہوا: 30 جون، 2026 کو 06:39 AM
آخری تدوین: 30 جون، 2026
