بنگلہ دیش: عوامی لیگ کے 7 سینئر رہنماؤں کو سزائے موت

ڈھاکہ: بنگلہ دیش میں سابق وزیراعظم شیخ حسینہ واجد کی جماعت عوامی لیگ کے 7 سینئر رہنماؤں کو سزائے موت سنا دی گئی۔

میڈیا رپورٹس کے مطابق بنگلہ دیش کے انٹرنیشنل کرائمز ٹریبونل نے 15 ستمبر 2026 کو 2024 کی طلبہ تحریک کے دوران انسانیت کے خلاف جرائم کے الزامات میں عوامی لیگ کے 7 رہنماؤں کو سزائے موت سنائی۔

عدالت نے فیصلہ ملزمان کی غیر موجودگی میں سنایا۔ ٹریبونل کے فیصلے کے مطابق عبیدالقادر، اے ایف ایم بہاءالدین نسیم، محمد علی عرفات، شیخ فضل شمس پراش، مینول حسین خان نکھل، صدام حسین اور شیخ ولی عاصف عنان کو سزائے موت دی گئی ہے۔

رپورٹس کے مطابق یہ مقدمات 2024 کی طلبہ تحریک کے دوران پیش آنے والے واقعات سے متعلق ہیں، جن میں ملزمان پر انسانیت کے خلاف جرائم کے الزامات عائد کیے گئے تھے۔