سابق برطانوی وزیراعظم بورس جانسن روسی ڈرون حملے میں بال بال بچ گئے

کیف: سابق برطانوی وزیراعظم بورس جانسن روسی ڈرون حملے میں بال بال بچ گئے، حملے کے وقت وہ یوکرین سے پولینڈ جانے والی ٹرین میں سوار تھے۔

برطانوی میڈیا کے مطابق روسی ڈرون حملے میں ٹرین کے اگلے حصے کو نقصان پہنچا، تاہم کسی جانی نقصان کی اطلاع نہیں ملی۔

رپورٹ کے مطابق ڈرون حملہ پولینڈ کی سرحد سے تقریباً دو کلومیٹر دور وولِن کے علاقے میں ہوا۔ حملے کے وقت ٹرین میں 206 افراد سوار تھے، جبکہ بورس جانسن کیف میں ایک کانفرنس میں شرکت کے بعد پولینڈ روانہ ہوئے تھے۔

حملے کے بعد پولینڈ نے اپنی فضائی حدود کی نگرانی اور سکیورٹی کے لیے جنگی طیارے بھیج دیے۔

یوکرینی حکام کا کہنا ہے کہ روس نے جان بوجھ کر ٹرین کو نشانہ بنایا۔ تاہم واقعے سے متعلق مزید تفصیلات اور حملے کے مکمل محرکات سامنے آنا باقی ہیں۔