وائسز آف امریکا
تازہ خبریں
پاکستان

لاہور: غیرملکی خاتون کے بیانِ حلفی میں اغوا، تشدد اور مبینہ زیادتی کے سنگین الزامات

W
Web Desk
4 جولائی، 2026
لاہور: غیرملکی خاتون کے بیانِ حلفی میں اغوا، تشدد اور مبینہ زیادتی کے سنگین الزامات

لاہور میں غیرملکی خواتین سے مبینہ زیادتی کیس میں اسپین سے تعلق رکھنے والی خاتون کے مجسٹریٹ کے سامنے ریکارڈ کرائے گئے بیانِ حلفی کا حصہ سامنے آگیا، جس میں اغوا، تشدد، دھمکیوں اور مبینہ زیادتی سے متعلق سنگین الزامات عائد کیے گئے ہیں

(لاہور) لاہور میں غیرملکی خواتین سے مبینہ زیادتی کے مقدمے میں اسپین سے تعلق رکھنے والی خاتون کے مجسٹریٹ کے سامنے ریکارڈ کرائے گئے بیانِ حلفی کا ایک حصہ منظرِ عام پر آگیا ہے، جس میں اغوا، تشدد، دھمکیوں اور مبینہ زیادتی سے متعلق سنگین الزامات عائد کیے گئے ہیں۔

بیانِ حلفی کے مطابق خاتون، جن کی عمر 40 برس بتائی گئی ہے، اسپین کے شہر ہنڈاس دی لاس کی رہائشی ہیں۔ انہوں نے مؤقف اختیار کیا کہ ان کے ساتھ پیش آنے والے واقعات دوسری غیرملکی خاتون سٹیفنی کے بیان سے ملتے جلتے ہیں۔

خاتون کے مطابق جس گھر میں وہ مقیم تھیں، پہلی ہی رات چار مسلح افراد وہاں داخل ہوئے، انہیں باندھ دیا گیا اور تشدد کا نشانہ بنایا گیا۔ بیان میں دعویٰ کیا گیا ہے کہ حملہ آوروں میں سے ایک شخص نے سیاہ لباس پہن رکھا تھا، اس نے خاتون کے جسم کو نامناسب انداز میں چھوا اور ان کے چہرے پر متعدد گھونسے بھی مارے۔

بیان کے مطابق ایک شخص، جسے خاتون نے رضا ڈار کے نام سے شناخت کیا، مسلسل کمپیوٹر اور رقم کے بارے میں سوالات کرتا رہا۔ خاتون کا کہنا ہے کہ انہوں نے حملہ آوروں کو سبز رنگ کے بیگ کے بارے میں بتایا، جس کے بعد دوسری غیرملکی خاتون سٹیفنی کو بھی واپس لایا گیا اور دونوں سے پاس ورڈ اور کمپیوٹر سے متعلق پوچھ گچھ کی گئی۔

بیانِ حلفی میں مزید کہا گیا ہے کہ خاتون کے سر پر پستول کے بٹ سے وار کیا گیا، جبکہ ایک شخص روانی سے انگریزی بول رہا تھا اور اس نے مبینہ طور پر دھمکی دی کہ اگر رقم نہ دی گئی تو وہ زندہ واپس نہیں جا سکیں گی۔

خاتون نے مزید الزام عائد کیا کہ بعد ازاں ایک ملزم انہیں گھر کی بالائی منزل پر لے گیا، جہاں انہیں تشدد کا نشانہ بنایا گیا اور متعدد بار مبینہ زیادتی کی گئی۔ ان کے مطابق شور مچانے پر ملزم رک گیا، انہیں دوبارہ کپڑے پہنائے گئے اور واپس اسی کمرے میں لے جایا گیا جہاں دیگر افراد موجود تھے۔

یہ تمام الزامات متاثرہ خاتون کے مجسٹریٹ کے سامنے ریکارڈ کرائے گئے بیانِ حلفی کا حصہ ہیں۔ مقدمے کی تحقیقات جاری ہیں، جبکہ متعلقہ حکام کی جانب سے ان الزامات کی قانونی جانچ اور عدالتی کارروائی جاری ہے۔ عدالت میں شواہد اور تحقیقات کی روشنی میں ہی ذمہ داری اور حقائق کا تعین کیا جائے گا۔

شیئر کریں:
W
Web Desk

Media Channel

شائع ہوا: 4 جولائی، 2026 کو 11:17 AM

آخری تدوین: 4 جولائی، 2026

متعلقہ مضامین

نئے انتظامی یونٹس پر جلد از جلد ریفرنڈم کروایا جائے، فاروق ستار کا مطالبہ
تازہ ترین

نئے انتظامی یونٹس پر جلد از جلد ریفرنڈم کروایا جائے، فاروق ستار کا مطالبہ

ایم کیو ایم پاکستان کے رہنما فاروق ستار نے نئے انتظامی یونٹس کے قیام پر فوری ریفرنڈم کا مطالبہ کرتے ہوئے سرکاری کوارٹرز کے مکینوں کو بے دخل نہ کرنے اور ملازمین کو رہائشی حقوق دینے پر زور دیا ہے

Web Desk17 نومبر، 2026
آپریشن ’11 گرج‘ کے تحت لکی مروت میں انٹیلی جنس بیسڈ آپریشن، 4 خوارج ہلاک
پاکستان

آپریشن ’11 گرج‘ کے تحت لکی مروت میں انٹیلی جنس بیسڈ آپریشن، 4 خوارج ہلاک

آپریشن 11 گرج کے تحت لکی مروت کے علاقے ظریفوال میں سیکیورٹی فورسز کے انٹیلی جنس بیسڈ آپریشن میں 4 خوارج ہلاک ہوگئے۔ حکام کا دہشت گردی کے مکمل خاتمے تک کارروائیاں جاری رکھنے کا عزم

Web Desk17 نومبر، 2026
فیلڈ مارشل عاصم منیر سے ایرانی وزیر خارجہ کی ملاقات، علاقائی سلامتی اور امن و استحکام پر تبادلہ خیال
پاکستان

فیلڈ مارشل عاصم منیر سے ایرانی وزیر خارجہ کی ملاقات، علاقائی سلامتی اور امن و استحکام پر تبادلہ خیال

فیلڈ مارشل عاصم منیر سے ایرانی وزیرخارجہ عباس عراقچی کی قیادت میں اعلیٰ سطح وفد کی ملاقات، علاقائی سلامتی اور امن و استحکام پر تبادلہ خیال کیا گیا

Web Desk17 نومبر، 2026