وائسز آف امریکا
تازہ خبریں
پاکستان

گورنر راج آخری آپشن ہوگا، حکومت تمام آئینی و قانونی آپشنز پر غور کر رہی ہے: خواجہ آصف

W
Web Desk
7 اکتوبر، 2026
گورنر راج آخری آپشن ہوگا، حکومت تمام آئینی و قانونی آپشنز پر غور کر رہی ہے: خواجہ آصف

وزیر دفاع خواجہ آصف نے کہا ہے کہ حکومت خیبرپختونخوا میں گورنر راج سمیت تمام آئینی و قانونی آپشنز پر غور کر رہی ہے۔ ان کا کہنا ہے کہ گورنر راج آخری آپشن ہوگا، جبکہ اسلام آباد کے تحفظ اور صوبے کی صورتحال سے نمٹنے کے لیے اہم فیصلے کیے جا سکتے ہیں

اسلام آباد: وزیر دفاع خواجہ آصف نے کہا ہے کہ حکومت خیبرپختونخوا کی صورتحال کے پیش نظر گورنر راج سمیت تمام آئینی اور قانونی آپشنز پر غور کر رہی ہے، تاہم گورنر راج آخری آپشن ہوگا اور حکومت کوشش کر رہی ہے کہ نوبت وہاں تک نہ پہنچے۔

پارلیمنٹ ہاؤس میں میڈیا سے گفتگو کرتے ہوئے خواجہ آصف نے کہا کہ اگر کوئی راستہ باقی نہ بچا تو دارالحکومت کو کسی کے رحم و کرم پر نہیں چھوڑا جا سکتا۔ ہر دو تین ماہ بعد لشکر کشی کے ذریعے دارالحکومت پر حملے کی اجازت نہیں دی جا سکتی، اگر اسلام آباد پر حملہ کیا گیا تو حکومت کو دارالحکومت کے تحفظ کا حق حاصل ہے۔

وزیر دفاع نے کہا کہ گورنر راج کے حوالے سے حتمی فیصلہ حالات اور دستیاب آپشنز کو دیکھ کر کیا جائے گا۔ حکومت گورنر راج سمیت تمام آئینی و قانونی راستوں کا جائزہ لے رہی ہے، جبکہ عوام موجودہ صورتحال کو سمجھنے کے لیے سیاسی شعور رکھتے ہیں۔

خواجہ آصف نے دعویٰ کیا کہ خیبرپختونخوا حکومت اور طالبان کے درمیان روابط کے حوالے سے شواہد موجود ہیں۔ انہوں نے کہا کہ مسلم لیگ ن طالبان کی اتحادی نہیں بنی، جبکہ ان کے مطابق پی ٹی آئی کی صوبائی حکومت دہشت گردی سے لاتعلقی کا مظاہرہ کر رہی ہے۔

وزیر دفاع کا کہنا تھا کہ خیبرپختونخوا دہشت گردی کی زد میں ہے جبکہ وزیراعلیٰ اور کابینہ سیاسی لانگ مارچ میں مصروف ہیں۔ اہم فیصلے کرنے کا وقت آچکا ہے، پورے صوبے کو یرغمال نہیں بنایا جا سکتا اور ملک کی وحدت کو خطرے میں نہیں ڈالا جا سکتا۔

انہوں نے مزید کہا کہ خیبرپختونخوا کے عوام کو مزید صوبائی حکومت کے رحم و کرم پر نہیں چھوڑا جا سکتا۔

شیئر کریں:
W
Web Desk

Media Channel

شائع ہوا: 7 اکتوبر، 2026 کو 01:36 PM

آخری تدوین: 7 اکتوبر، 2026

متعلقہ مضامین

سندھ ایک ہے اور ایک رہے گا، نئے صوبوں کی بات کہاں سے آگئی؟ ناصر حسین شاہ
تازہ ترین

سندھ ایک ہے اور ایک رہے گا، نئے صوبوں کی بات کہاں سے آگئی؟ ناصر حسین شاہ

سندھ کے وزیر بلدیات ناصر حسین شاہ نے نئے صوبوں اور ریفرنڈم سے متعلق بیان دیتے ہوئے کہا ہے کہ سندھ ایک ہے اور ایک رہے گا، پیپلز پارٹی کو بائی پاس کرکے ریفرنڈم کرایا گیا تو عوام کے ساتھ کھڑے ہوں گے

Web Desk22 نومبر، 2026
موسمیاتی تبدیلی ہماری تہذیب اور تاریخی ورثے کے لیے بڑا خطرہ بن چکی ہے، مصدق ملک
تازہ ترین

موسمیاتی تبدیلی ہماری تہذیب اور تاریخی ورثے کے لیے بڑا خطرہ بن چکی ہے، مصدق ملک

وفاقی وزیر مصدق ملک نے نئی دہلی میں ایس سی او سویلائزیشن فورم سے خطاب کرتے ہوئے کہا کہ موسمیاتی تبدیلی پاکستان کی تہذیب اور تاریخی ورثے کے لیے بڑا خطرہ ہے، 2022 کے سیلاب سے موہنجو دڑو بھی متاثر ہوا۔

Web Desk22 نومبر، 2026
کراچی کو وفاق کا حصہ بنانے کی بات ہوئی تو حمایت کریں گے، مصطفیٰ کمال
تازہ ترین

کراچی کو وفاق کا حصہ بنانے کی بات ہوئی تو حمایت کریں گے، مصطفیٰ کمال

وفاقی وزیر مصطفیٰ کمال نے کراچی کو وفاق کا حصہ بنانے کی تجویز کی حمایت کا اعلان کرتے ہوئے کہا ہے کہ نئے صوبوں کی تحریک سے پیچھے نہیں ہٹیں گے، دسمبر اہم مہینہ ہوگا

Web Desk22 نومبر، 2026