وائسز آف امریکا
تازہ خبریں
تازہ ترین

کراچی کو وفاق کا حصہ بنانے کی بات ہوئی تو حمایت کریں گے، مصطفیٰ کمال

W
Web Desk
22 نومبر، 2026
کراچی کو وفاق کا حصہ بنانے کی بات ہوئی تو حمایت کریں گے، مصطفیٰ کمال

وفاقی وزیر مصطفیٰ کمال نے کراچی کو وفاق کا حصہ بنانے کی تجویز کی حمایت کا اعلان کرتے ہوئے کہا ہے کہ نئے صوبوں کی تحریک سے پیچھے نہیں ہٹیں گے، دسمبر اہم مہینہ ہوگا

اسلام آباد: وفاقی وزیر اور ایم کیو ایم رہنما مصطفیٰ کمال نے کہا ہے کہ اگر کراچی کو وفاق کا حصہ بنانے کی بات ہوئی تو وہ اس کی بھرپور حمایت کریں گے، جبکہ نئے صوبوں کے قیام کی تحریک سے کسی صورت ایک انچ بھی پیچھے نہیں ہٹیں گے۔

مصطفیٰ کمال کا کہنا تھا کہ دسمبر اہم مہینہ ہے اور جو بھی پیش رفت ہونی ہے وہ آئندہ بجٹ سے پہلے ہونی ہے۔ نئے صوبوں کا قیام ہماری نسلوں کی بقا کا معاملہ اور ہماری لائف لائن ہے۔

نئے صوبوں کے معاملے پر ریاستی سطح پر گفتگو کا دعویٰ

ایم کیو ایم رہنما نے کہا کہ اگر نئے صوبوں کے قیام سے متعلق گفتگو سرکاری سطح پر نہ ہوتی تو اب تک کوئی نہ کوئی اسے رکوا چکا ہوتا۔

ان کا کہنا تھا کہ اب کسی ایک سیاسی جماعت کا نہیں بلکہ ریاست کو بچانے کا وقت ہے۔ نئے صوبوں کا قیام وقت کی اہم ضرورت ہے اور اس معاملے پر سنجیدگی سے پیش رفت ہونی چاہیے۔

پی ٹی آئی کو بھی حمایت کرنے کا مشورہ

مصطفیٰ کمال نے پاکستان تحریک انصاف کو بھی مشورہ دیا کہ وہ بغیر کسی شرط کے نئے صوبوں کے قیام کی حمایت کرے۔

ان کے مطابق یہ پی ٹی آئی کے لیے ریاست کے ساتھ اپنے معاملات بہتر بنانے کا بہترین موقع ہے۔

وزیراعظم ریفرنڈم کی منظوری لے سکتے ہیں، مصطفیٰ کمال

وفاقی وزیر نے کہا کہ وزیراعظم چاہیں تو پارلیمنٹ کا مشترکہ اجلاس بلا کر ریفرنڈم کی منظوری بھی حاصل کر سکتے ہیں۔

انہوں نے صدر مملکت آصف علی زرداری سے متعلق گفتگو کرتے ہوئے کہا کہ وہ ایک سمجھدار سیاست دان ہیں اور جانتے ہیں کہ ہر کام کرنے کا ایک مناسب وقت ہوتا ہے۔

مصطفیٰ کمال کے اس بیان کے بعد کراچی کی آئینی و انتظامی حیثیت اور نئے صوبوں کے قیام سے متعلق سیاسی بحث ایک بار پھر توجہ کا مرکز بن گئی ہے۔

شیئر کریں:
W
Web Desk

Media Channel

شائع ہوا: 22 نومبر، 2026 کو 07:27 AM

آخری تدوین: 22 نومبر، 2026

متعلقہ مضامین

قطر اور جرمنی کا ایران سے حوثیوں کی حمایت ختم کرنے اور جوہری شفافیت بڑھانے کا مطالبہ
تازہ ترین

قطر اور جرمنی کا ایران سے حوثیوں کی حمایت ختم کرنے اور جوہری شفافیت بڑھانے کا مطالبہ

قطر اور جرمنی نے ایران سے جوہری پروگرام پر آئی اے ای اے کے ساتھ مکمل تعاون، حوثیوں کی حمایت ختم کرنے اور آبنائے ہرمز میں جہاز رانی کی آزادی یقینی بنانے کا مطالبہ کردیا

Web Desk22 نومبر، 2026
سندھ ایک ہے اور ایک رہے گا، نئے صوبوں کی بات کہاں سے آگئی؟ ناصر حسین شاہ
تازہ ترین

سندھ ایک ہے اور ایک رہے گا، نئے صوبوں کی بات کہاں سے آگئی؟ ناصر حسین شاہ

سندھ کے وزیر بلدیات ناصر حسین شاہ نے نئے صوبوں اور ریفرنڈم سے متعلق بیان دیتے ہوئے کہا ہے کہ سندھ ایک ہے اور ایک رہے گا، پیپلز پارٹی کو بائی پاس کرکے ریفرنڈم کرایا گیا تو عوام کے ساتھ کھڑے ہوں گے

Web Desk22 نومبر، 2026
موسمیاتی تبدیلی ہماری تہذیب اور تاریخی ورثے کے لیے بڑا خطرہ بن چکی ہے، مصدق ملک
تازہ ترین

موسمیاتی تبدیلی ہماری تہذیب اور تاریخی ورثے کے لیے بڑا خطرہ بن چکی ہے، مصدق ملک

وفاقی وزیر مصدق ملک نے نئی دہلی میں ایس سی او سویلائزیشن فورم سے خطاب کرتے ہوئے کہا کہ موسمیاتی تبدیلی پاکستان کی تہذیب اور تاریخی ورثے کے لیے بڑا خطرہ ہے، 2022 کے سیلاب سے موہنجو دڑو بھی متاثر ہوا۔

Web Desk22 نومبر، 2026