وائسز آف امریکا
تازہ خبریں
تازہ ترین

آئی سی سی نے طالبان کے 4 اہم رہنماؤں کے وارنٹ گرفتاری پبلک کردیئے

W
Web Desk
6 اکتوبر، 2026
آئی سی سی نے طالبان کے 4 اہم رہنماؤں کے وارنٹ گرفتاری پبلک کردیئے

انٹرنیشنل کرمنل کورٹ نے خواتین اور لڑکیوں کے حقوق سلب کرنے کے الزامات میں طالبان کے 4 اہم رہنماؤں کے پہلے سے جاری وارنٹ گرفتاری پبلک کردیئے

دی ہیگ: انٹرنیشنل کرمنل کورٹ (آئی سی سی) نے خواتین اور لڑکیوں کے حقوق سلب کرنے کے الزامات سے متعلق طالبان کے چار اہم رہنماؤں کے پہلے سے جاری وارنٹ گرفتاری عوامی کردیئے ہیں۔

عالمی عدالت کی جانب سے پبلک کیے گئے وارنٹس میں طالبان کے سپریم لیڈر ہیبت اللہ اخونزادہ، چیف جسٹس عبدالحکیم حقانی، وزیر تعلیم حبیب اللہ آغا اور وزیر اعلیٰ تعلیم ندا محمد ندیم شامل ہیں۔

آئی سی سی کے مطابق ہیبت اللہ اخونزادہ اور عبدالحکیم حقانی کے وارنٹ گرفتاری 8 جولائی 2025 کو جاری کیے گئے تھے، جبکہ حبیب اللہ آغا اور ندا محمد ندیم کے وارنٹ 9 ستمبر 2025 کو جاری کیے گئے۔

خواتین اور لڑکیوں کے حقوق سلب کرنے کا الزام

انٹرنیشنل کرمنل کورٹ کے مطابق چاروں طالبان رہنماؤں پر خواتین اور لڑکیوں سمیت طالبان کی پالیسیوں سے اختلاف رکھنے والے افراد کے خلاف صنفی اور سیاسی بنیادوں پر مبینہ ظلم و ستم کی ذمہ داری عائد کی گئی ہے۔

عدالت کا کہنا ہے کہ طالبان کی پالیسیوں کے نتیجے میں افغان خواتین اور لڑکیوں کو تعلیم، نقل و حرکت، اظہارِ رائے، نجی زندگی اور خاندانی زندگی سمیت متعدد بنیادی حقوق اور آزادیوں سے محروم کیا گیا۔

آئی سی سی کے مطابق مبینہ جرائم کا سلسلہ 15 اگست 2021 سے کم از کم 20 جنوری 2025 تک جاری رہا۔

قتل، قید اور تشدد کے الزامات بھی شامل

عالمی عدالت نے طالبان کی پالیسیوں سے منسلک مبینہ کارروائیوں میں قتل، قید، تشدد، ریپ اور جبری گمشدگیوں کا بھی ذکر کیا ہے۔

آئی سی سی کے مطابق خواتین اور لڑکیوں کے حقوق کے لیے آواز اٹھانے والے یا ان کے حامی سمجھے جانے والے افراد کو بھی مبینہ طور پر سیاسی مخالفین کے طور پر نشانہ بنایا گیا۔

وارنٹس پبلک کرنے کا مقصد کیا ہے؟

انٹرنیشنل کرمنل کورٹ کا کہنا ہے کہ وارنٹ گرفتاری عوامی کرنے کا مقصد مزید مبینہ جرائم کی روک تھام اور عالمی تعاون کو بڑھانا ہے۔

عدالت کے مطابق چاروں طالبان رہنما تاحال گرفتار نہیں ہوئے اور ان کے خلاف جاری وارنٹس پر عمل درآمد باقی ہے۔

طالبان قیادت کے خلاف وارنٹس گرفتاری سامنے آنے کے بعد افغانستان میں خواتین کے حقوق اور طالبان حکومت کی پالیسیوں سے متعلق عالمی قانونی دباؤ مزید بڑھ گیا ہے۔

شیئر کریں:
W
Web Desk

Media Channel

شائع ہوا: 6 اکتوبر، 2026 کو 08:35 AM

آخری تدوین: 6 اکتوبر، 2026

متعلقہ مضامین

قطر اور جرمنی کا ایران سے حوثیوں کی حمایت ختم کرنے اور جوہری شفافیت بڑھانے کا مطالبہ
تازہ ترین

قطر اور جرمنی کا ایران سے حوثیوں کی حمایت ختم کرنے اور جوہری شفافیت بڑھانے کا مطالبہ

قطر اور جرمنی نے ایران سے جوہری پروگرام پر آئی اے ای اے کے ساتھ مکمل تعاون، حوثیوں کی حمایت ختم کرنے اور آبنائے ہرمز میں جہاز رانی کی آزادی یقینی بنانے کا مطالبہ کردیا

Web Desk22 نومبر، 2026
سندھ ایک ہے اور ایک رہے گا، نئے صوبوں کی بات کہاں سے آگئی؟ ناصر حسین شاہ
تازہ ترین

سندھ ایک ہے اور ایک رہے گا، نئے صوبوں کی بات کہاں سے آگئی؟ ناصر حسین شاہ

سندھ کے وزیر بلدیات ناصر حسین شاہ نے نئے صوبوں اور ریفرنڈم سے متعلق بیان دیتے ہوئے کہا ہے کہ سندھ ایک ہے اور ایک رہے گا، پیپلز پارٹی کو بائی پاس کرکے ریفرنڈم کرایا گیا تو عوام کے ساتھ کھڑے ہوں گے

Web Desk22 نومبر، 2026
موسمیاتی تبدیلی ہماری تہذیب اور تاریخی ورثے کے لیے بڑا خطرہ بن چکی ہے، مصدق ملک
تازہ ترین

موسمیاتی تبدیلی ہماری تہذیب اور تاریخی ورثے کے لیے بڑا خطرہ بن چکی ہے، مصدق ملک

وفاقی وزیر مصدق ملک نے نئی دہلی میں ایس سی او سویلائزیشن فورم سے خطاب کرتے ہوئے کہا کہ موسمیاتی تبدیلی پاکستان کی تہذیب اور تاریخی ورثے کے لیے بڑا خطرہ ہے، 2022 کے سیلاب سے موہنجو دڑو بھی متاثر ہوا۔

Web Desk22 نومبر، 2026