اردن میں ایرانی میزائل حملہ، ہلاک ہونے والے 2 امریکی فوجیوں کی شناخت جاری

واشنگٹن: امریکی فوج نے اردن میں واقع امریکی فضائی اڈے پر ایرانی میزائل حملے میں ہلاک ہونے والے دو فوجیوں کی شناخت ظاہر کر دی ہے۔

امریکی میڈیا رپورٹس کے مطابق پینٹاگون نے جمعے کے روز تصدیق کی کہ حملے میں ہلاک ہونے والے فوجیوں میں 25 سالہ فرسٹ لیفٹیننٹ ٹائلر جیمز اور 19 سالہ ازابیلا گونزالیس شامل ہیں۔

پینٹاگون کے بیان کے مطابق یہ فوجی اردن میں قائم امریکی ایئربیس پر ایرانی میزائل حملے کے دوران جان سے ہاتھ دھو بیٹھے۔

امریکی حکام کا کہنا ہے کہ یہ مارچ کے بعد ایرانی حملوں کے نتیجے میں ہونے والی پہلی امریکی فوجی ہلاکتیں ہیں، جس کے بعد خطے میں کشیدگی ایک بار پھر بڑھنے کا خدشہ پیدا ہو گیا ہے۔

واقعے کے بعد امریکی حکام صورتحال کا جائزہ لے رہے ہیں، جبکہ مشرق وسطیٰ میں سکیورٹی انتظامات مزید سخت کیے جانے کا امکان ظاہر کیا جا رہا ہے۔