وائسز آف امریکا
تازہ خبریں
تازہ ترین

ایران کا امریکا کو دوٹوک پیغام، فوجی دباؤ کے بجائے سفارتکاری کا وقت آگیا

W
Web Desk
19 اگست، 2026
 ایران کا امریکا کو دوٹوک پیغام، فوجی دباؤ کے بجائے سفارتکاری کا وقت آگیا

ایرانی پارلیمنٹ کے اسپیکر محمد باقر قالیباف نے کہا ہے کہ فوجی دباؤ کے بجائے سفارتکاری کا وقت آگیا ہے، جبکہ تیل پابندیاں، اثاثوں کی بحالی اور فوجی کارروائیاں رکنے تک آبنائے ہرمز نہ کھولنے کا اعلان کیا

اسلام آباد: ایرانی پارلیمنٹ کے اسپیکر محمد باقر قالیباف نے کہا ہے کہ موجودہ بحران کے حل کے لیے ایک بار پھر فوجی کارروائی کے بجائے سفارتکاری کا راستہ اختیار کرنے کا وقت آ گیا ہے۔ انہوں نے واضح کیا کہ ایران پر دباؤ بڑھا کر امریکا وہ رعایتیں حاصل نہیں کر سکتا جو اسلام آباد مفاہمتی یادداشت کا حصہ نہیں تھیں۔

اپنے بیان میں محمد باقر قالیباف نے امریکی حکام ہیگسیتھ اور بیسنٹ پر سخت تنقید کرتے ہوئے کہا کہ وہ اپنی حدود سے تجاوز کرتے ہوئے بیانات دے رہے ہیں۔ ان کا کہنا تھا کہ ’’مسخروں کی ٹیم‘‘ کسی کرشمے کا مظاہرہ نہیں کر سکتی اور بحران کے فوری خاتمے کے لیے کسی جادوئی حل کا انتظار بے سود ہے۔

ایرانی پارلیمنٹ کے اسپیکر نے آبنائے ہرمز کے حوالے سے بھی سخت مؤقف اختیار کیا۔ ان کے مطابق بحری ناکہ بندی ختم ہونے تک آبنائے ہرمز نہیں کھولی جائے گی۔

قالیباف نے کہا کہ تیل پر عائد پابندیاں ختم کرنے، ایرانی اثاثے بحال کرنے اور فوجی کارروائیاں روکنے تک آبنائے ہرمز کھولنے کا سوال ہی پیدا نہیں ہوتا۔

انہوں نے مزید کہا کہ اب وقت آ گیا ہے کہ فوجی اقدام کے ذریعے سفارتکاری کو مکمل کیا جائے اور وعدوں کی خلاف ورزی کا عملی جواب دیا جائے۔

ایرانی پارلیمنٹ کے اسپیکر کے اس بیان سے ظاہر ہوتا ہے کہ تہران موجودہ بحران میں دباؤ کے باوجود اپنے مطالبات سے پیچھے ہٹنے کے لیے تیار نہیں، جبکہ آبنائے ہرمز سے متعلق ایرانی مؤقف عالمی توانائی اور تیل کی منڈیوں کے لیے بھی اہم اثرات کا حامل ہو سکتا ہے۔

شیئر کریں:
W
Web Desk

Media Channel

شائع ہوا: 19 اگست، 2026 کو 05:04 AM

آخری تدوین: 19 اگست، 2026

متعلقہ مضامین

وکٹ میں باؤلرز کے لیے بہت کچھ ہے، لیکن سمجھداری سے بیٹنگ کرنا ہوگی: غازی غوری
تازہ ترین

وکٹ میں باؤلرز کے لیے بہت کچھ ہے، لیکن سمجھداری سے بیٹنگ کرنا ہوگی: غازی غوری

پاکستان کرکٹ ٹیم کے وکٹ کیپر غازی غوری نے میڈیا سے گفتگو کرتے ہوئے وکٹ کے رویے، باؤلرز کی کارکردگی، بیٹنگ اور وکٹ کیپنگ پر اظہار خیال کیا۔ ٹم پین کو اپنا رول ماڈل قرار دے دیا، سری لنکن مڈل آرڈر کی کارکردگی کو بھی سراہا

زاہد فاروق ملک19 نومبر، 2026
لاہور قلندرز کا پاک امریکہ کرکٹ تعلقات کے فروغ کے لیے بھرپور تعاون کا اعلان
تازہ ترین

لاہور قلندرز کا پاک امریکہ کرکٹ تعلقات کے فروغ کے لیے بھرپور تعاون کا اعلان

لاہور قلندرز کے مالک ثمین رانا نے امریکی کرکٹ اور کھلاڑیوں کی ترقی کے لیے مکمل تعاون جاری رکھنے کے عزم کا اظہار کیا۔ عاطف رانا، ثمین رانا اور شاہین شاہ آفریدی کی امریکی سفارت خانے کی خصوصی تقریب میں شرکت، نیٹلی اے بیکر کا ٹیم ورک پر زور

زاہد فاروق ملک19 نومبر، 2026
اینکر پرسن ربیعہ احسن قتل کیس میں اہم پیشرفت، اہل خانہ نے ملزم کو معاف کردیا، عدالت سے ضمانت منظور
پاکستان

اینکر پرسن ربیعہ احسن قتل کیس میں اہم پیشرفت، اہل خانہ نے ملزم کو معاف کردیا، عدالت سے ضمانت منظور

92 نیوز کی اینکر پرسن ربیعہ احسن قتل کیس میں اہم پیشرفت، مقتولہ کے اہل خانہ نے ملزم احسن طاہر خان کو معاف کردیا۔ والدہ، بھائی اور بہن نے عدالت میں بیان حلفی جمع کرواتے ہوئے موت کو حادثہ قرار دیا۔ عدالت نے ملزم کی 2 لاکھ روپے کے مچلکوں کے عوض بعد از گرفتاری ضمانت منظور کرلی

Web Desk19 نومبر، 2026