سعودی عرب پر ڈرون حملے، عراق نے اعلیٰ فوجی کمانڈر کو برطرف کر دیا

سعودی عرب پر ہونے والے حالیہ ڈرون حملوں کے بعد عراقی وزیراعظم علی فالح الزیدی نے اعلیٰ فوجی کمانڈر کو عہدے سے برطرف کر دیا ہے۔

عراقی وزیراعظم کے دفتر کے مطابق تحقیقات میں تصدیق ہوئی کہ سعودی عرب کو نشانہ بنانے والے ڈرون حملے عراق سے کیے گئے تھے۔ برطرف کیے گئے فوجی کمانڈر جنوبی عراق کے صوبے میسان میں فوجی کارروائیوں کی سربراہی کر رہے تھے۔

سعودی وزارت خارجہ کے مطابق عراق سے پائپ لائن کو ڈرون حملوں کا نشانہ بنایا گیا، جس کے نتیجے میں متعدد افراد زخمی ہوئے۔ سعودی عرب نے بتایا کہ عراقی وزیراعظم کی درخواست پر فی الحال جوابی کارروائی نہ کرنے کا فیصلہ کیا گیا ہے۔

عراقی وزیراعظم نے حملوں کے حالات اور ان کے پسِ پردہ عناصر کی فوری تحقیقات کا حکم دیتے ہوئے ملوث افراد کے خلاف قانونی کارروائی کی ہدایت کی ہے۔ عراقی حکومت کا کہنا ہے کہ ذمہ داروں کے خلاف سخت کارروائی کی جائے گی۔

دوسری جانب عراق نے سعودی عرب پر حالیہ حملوں کے بعد احتیاطاً شلمچہ بارڈر کراسنگ بھی بند کر دی ہے۔