امریکی مڈٹرم انتخابات: خواتین ووٹرز کی اکثریت نے ڈیموکریٹس کی حمایت کر دی، اے پی سروے

واشنگٹن: امریکہ کے 2026 کے مڈٹرم انتخابات میں خواتین ووٹرز کی بڑی تعداد نے ڈیموکریٹک امیدواروں کے حق میں ووٹ دیا، جبکہ مرد ووٹرز کی حمایت دونوں بڑی سیاسی جماعتوں میں تقریباً برابر تقسیم رہی۔

ایسوسی ایٹڈ پریس (اے پی) کے سروے کے مطابق انتخابات میں حصہ لینے والے ووٹرز میں خواتین کا تناسب 53 فیصد جبکہ مردوں کا 46 فیصد رہا، جس سے انتخابی عمل میں خواتین کی زیادہ شرکت سامنے آئی۔

سروے کے اعداد و شمار کے مطابق خواتین ووٹرز میں 58 فیصد نے ڈیموکریٹک امیدواروں کی حمایت کی، جبکہ 40 فیصد نے ریپبلکن امیدواروں کو ووٹ دیا۔

دوسری جانب مرد ووٹرز کے انتخابی رجحانات میں دونوں جماعتوں کو یکساں حمایت حاصل ہوئی۔ سروے کے مطابق 49 فیصد مردوں نے ڈیموکریٹک امیدواروں جبکہ اتنے ہی یعنی 49 فیصد نے ریپبلکن امیدواروں کے حق میں ووٹ ڈالا۔

اے پی سروے کے نتائج کے مطابق خواتین ووٹرز کی اکثریتی حمایت ڈیموکریٹس کے حصے میں آئی، جبکہ مرد ووٹرز میں دونوں جماعتوں کے درمیان مقابلہ تقریباً برابر رہا۔